احصائیه و معلومات ملی اداره‌سی نینگ ییل‌لیک گزارشی ده کیلیشیچه، قویاش ۱۳۹۹- مالی ییل ده افغانستان صادراتی اوتگن ییل گه نسبتن ۱۰ فایز کمه‌یگن.
احصائیه و معلومات ملی اداره اورین‌باسری حسیب‌الله موحد نینگ ایتیشیچه، قویاش ۱۳۹۹- ییل ده افغانستان وارداتی ۶۵۳۷ و صادراتی ایسه ۷۷۶.۷ میلیون دالر ایکن که ۱۳۹۸- ییل گه نسبتن آزه‌یش نی کورسته‌دی.
مذکور گزارش اساسیده، افغانستان نینگ صادرات میزانی کرونا ویروسی رواجلنگنی باعث ۱۳۹۹- مالی ییل نینگ ایکینچی ربعی ده کوپینچه قویی کیلگن.
شونینگدیک معلومات و احصائیه ملی اداره‌سی نینگ گزارشی نی کورستیشیچه، قویاش ۱۳۹۹- ملی ییل ده برق تولید و توریدی هم قویی کیلگن که بو ۶۱۹۷.۶۲ میلیون کیلووات دن ۶۱۸۲.۷۴ کیلووات گه ییتیشگن.
