خلقارا ترقیات مرکزینینگ تدقیقات نهادی، افغانستان امریکانینگ نقدی یاردملریگه اینگ کوپ نیازمند بولگن سکیز مملکتدن بیری بولگنینی اعلام قیلگن.
اوشبو نهادگه کوره، جنوبی سودان، سومالیا، کانگو، افغانستان، یوگاندا و ایتوپیا امریکا یاردملریگه کوپراق محتاج دیر. خلقارا ترقیات مرکزینینگ تدقیقات نهادی، یاردم بیرووچی مملکتلردن، امریکانینگ یاردم بیرووچی برنامهلری احتمالی توختهتیلیشی اوچون برنامهلری بولیب و افغانستان، سودان و سومالیگه کوپراق توجه قیلیشلرینی ایستهگن.
بیزلرنینگ فیسبوک صحیفهمیزگه باش اورینگ!
بولرگه علاوه، اقتصاد وزیرلیگی مسئوللریگه کوره، افغانستان گه امریکانینگ انسانسیورلیک یاردملری توختهتیلگنی، مملکت اقتصادی وضعیتیگه تاثیر قویمهگن.
اوشبو وزیرلیک سوزلاوچیسی عبدالرحمان حبیبنینگ ایتیشیچه، افغانستان اقتصادی وضعیت ثباتی اوچون درآمد، منبعلر و ایچکی امکانیتلر گه توجه قرهتگن. «امریکا یاردملر توختهتیلیشی، افغانستان ده خلقارا یاردم بیرووچی تشکیلاتلردن قطارینینگ فعالیتی مالی منبع کملیگی بیلن روپهره بولیشی گه سبب بولدی. حاضر اقتصادی امکانیتلر آشیشی اوچون عایداتی منبعلر و ایچکی ظرفیتلر گه تیگیشلیمیز. یاردملر توختهتیلیشی اقتصادی وضعیت توغریسیده تاثیر قویمهگن؛ بیراق یاردم بیرووچی بیر قطار نهادلر فعالیتیگه زیان ییتیشتیرگن.»
شوندهی بیرحالده، اقتصادی ایش بیلرمانلردن قطارینینگ ایتیشلریچه، امریکا یاردملر توختهتیلیشیدن افغانستاننینگ زیان کوریشی کمهیشی اوچون، طبیعی منبعلر و آستقورمه توغریسیده سرمایه یاتقیزیشی کیرهک.
اقتصادی ایش بیلرمانلردن ظهور مدبرنینگ ایتیشیچه، ترقیاتی لایحهلر توغریسیده هدفلی ریجهلر، افغانستان ده اقتصادی ترقیاتگه سبب بولیشی ممکن. اونینگ کوپهیتیریشیچه: «اسلامامیرلیگینینگ اوزون مدتلی و آستقورمهلر توغریسیده ایشلشی گه نیاز بار، خصوصی سکتورنی رواجلنتیریب و سرمایه یاتقیزیلیش بیلن اونینگ جذب قیلیش اوچون زمینه یرهتیشی کیرهک.»
اقتصادی ایش بیلرمانلردن باشقه بیری نصیر رشتیانینگ ایتیشیچه: «یاردملر توختهتیلیشینینگ دوام قیلگنی صورتده وضعیتنی مدیریت قیلیش اوچون، ایکی یول بار. بیرینچیده سرمایه یاتقیزیلیشلرنی جلب قیلیش دیر که دنیا بیلن سیاسی قیینچیلیکلریمیزنینگ حل قیلیشیمیز کیرهک و ایکینچیده ایسه ایچکی تولیدلر توغریسیده توجه قرهتیشیمیز کیرهک.»
بیزلرنینگ «ایکس» ترماغی ده هم تعقیب قیلینگ!
بولر گه علاوه، خلقارا ترقیات مرکزی تدقیقات نهادینینگ کوپهیتیریشیچه، افغانستان گه امریکانینگ انسانسیورلیک یاردملری توختهتیلگنی یا-ده توختهتیلیشی دوام قیلگنی صورتده، اروپا بیرلشمهسی و جرمنی، افغانستان ده اونینگ اورنیده انسانسیورلیک فعالیتلرینی دوام بیره آلیشی ممکن.
ایتیش کیرهک که، امریکا جمهور باشلیغی دونالد ترامپ ایشینینگ باش کونیده افغانستان گه نقدی یاردملری یوباریلیشینی ۹۰ کونگچه توختهتگن.
