افغانستان تشقی ایشلر وزیرلیگی نینگ پاکستان تشقی ایشلر وزیری نینگ سونگی صحبت‌لریگه قرشی ایتیشیچه، کابل، اسلام‌آباد دن طالبان نینگ زوروانلیک‌لر کمه‌یتیریلیشی، آتیش‌کیسین و باشقه تروریستی گروه‌لر بیلن رابطه سینی توخته‌تیشی خصوصیده بولگن تعهدلرینی عمل قیلیش اوچون فشار کیلتیریشینی کوته‌دی.
پاکستان تشقی ایشلر وزیری شاه‌محمود قریشی، ایکی کون آلدین آمریکا ینگی جمهور رییسی جو بایدن دن تینچلیک جریانی و آمریکا حربی‌لری نینگ افغانستاندن چیقاریلیشی موضوعی‌نی تیکشیریشینی سوره‌گن ایدی.
افغانستان تشقی ایشلر وزیرلیگی نینگ اوتگن “شنبه” کونی عصر چاغیده بیر خبرنامه آرقه‌لی اعلان قیلیشیچه، افغانستان، پاکستان و باشقه مملکت‌لردن تعهدلرینی عملی قیلیشی اوچون طالبان گروهی اوستیگه فشار کیلتیریشینی ایستهیدی.
اوشبو وزارت نینگ ایتیشیچه، افغانستانده دایمی تینچلیک تامین‌لنیشی اوچون منطقه‌یی و خلق ارا اجماع گه نیاز بار.
افغانستان دولتی نینگ اعلان قیلیشیچه، طالبان گروهی زوروانلیک کمه‌یتیریلیشی و آتیش‌کیسین قیلیشی خصوصیده بولگن تعهدلریگه عمل قیلمه‌ی و سابقه‌سیز شکلده زوروانلیکلرنی کوپه‌یتیرگن.
افغانستان حکومتی و طالبان گروهی آره‌سیده بولگن سوزلشوولرنی دوحه ده دوامی بار. اوشبو سوزلشوولرنینگ ایکینچی دوری کمیده ۱۶ کون آلدین باشلنگن و اوتگن ۱۳ کوندن بویان مذاکره قیلووچی هیات‌لر آره‌سیده هیچ‌قنده‌ی اولتیریش صورت تاپمه‌گن.
