اسلام امیرلیگی صناعت و سودا وزیرلیگی، ترمذ شهریده افغانستان و اۉزبېکستان ییریک رسمیلری اورتهسیده، سودا آلیش-بیریش بوییچه ییغیلیش اوتکزیلگنینی معلوم قیلگن.
اوشبو وزیرلیک، ۱۱-حوت، شنبه کونی ایکس صحیفهسیده بیر بیانیه ترقهتیب، افغانستان صناعت و سودا وزیرلیگی سرپرستی نورالدین عزیزی و اۉزبېکستان سرمایه یاتقیزیش، صناعت و سودا وزیری لزیز قدرتاوف حضوری بیلن، ترمذ خلقارا سودا مرکزیده بو ایکّی مملکت اورتهسیده قۉشمه سودا ییغیلیشی اوتکزیلگنیدن خبر بیرگن.
بیزلرنینگ فیسبوک صحیفهمیزگه باش اورینگ!
مذکور وزیرلیکنینگ کوپهیتیریشیچه، بو ییغیلیش اقتصادی همکارلیک، کتّه مقدارده سرمایه یاتقیزیش و سوداگرلر گه آلیش-بیریش اوچون قولیلیک یرهتیش و سودا توارلرینی آشیریش مقصدیده اوتکزیلگن.
معلوماتلر گه کوره، اوشبو ییغیلیش افغانستان اسلام امیرلیگی باش وزیرینینگ اقتصادی اورین باسری عبدالغنی برادرنینگ اۉزبېکستان گه قیلگن سفری دایرهسیده، بو ایکّی مملکتنینگ خصوصی بولیملری وکیللری حضوری بیلن امضالنگن شرطنامهلر عملگه آشیریلیشی مقصدیده اوتکزیلگن.
بیزلرنینگ «ایکس» ترماغی ده هم تعقیب قیلینگ!
بو ییغیلیشده، مهم موضوعلر اینیقسه اۉزبېکستاننینگ حیرتان بندری شهرچهسیده اقتصادی-تجاری مرکزی آچیلیشی، آزیق-آوقت ایشلب چیقریش و پروسس قیلیش، تاووق ییتیشتیریش، دارو سازلیک صناعتی، سیمان ایشلب چیقریش، انشاآتی مواد، باغدارلیک و بلخ، سمنگان و قندوز ولایتلریده ۲۰۰ میلیوندن کوپراق دالرلیک سبزهوات و میوه پروسس قیلیش ساحهلریده، سرمایه یاتقیزیش مسئلهلری بحث گه آلینگن.
اۉزبېکستان، دنیا و منطقه مملکتلری کبی سرپرست حکومتنی تن آلگن بولمسهده، بیراق تورلی ساحهلرده اسلام امیرلیگی بیلن همکارلیک قیلیب کېلهیاتگن مملکتلردن بیری سنلهدی.
