اسلام امیرلیگی هیئتی، قزاقستان گه قیلگن سفری دایره‌سیده، اوشبو مملکت رسمی‌لری بیلن سودا، صناعت، کانلر، برق، لوژستیک، ایکینچیلیک، مخابرات، ساغلیق، عالی اوقوو و انسان پرورلیک ساحه‌لریده شرطنامه امضاله‌گن.
اسلام امیرلیگی سۉزلاوچیسی ذبیح‌الله مجاهد، ۱۰-عقرب، پنج‌شنبه کونی ایکس صحیفه‌سیده بیر بیانیه ترقه‌تیب، اسلام امیرلیگی هیئتی قزاقستان گه قیلگن سفری دایره‌سیده اوشبو مملکت رسمی‌لری بیلن تورلی ساحه‌‌لر اینیقسه قزاقستان یولی آرقه‌لی افغانستان، چین و باشقه مملکتلر بیلن آلیش-بیریش قیلیشی خصوصیده شرطنامه امضاله‌گنیدن خبر بیرگن.
بیزلرنینگ فیسبوک صحیفه‌میزگه باش اورینگ!
بو اوچره‌شووده قزاقستان «خارگوس قوریق بندری» افغانستان سودا توارلری بوشه‌تیلیشی و یوکلنیشی اوچون لوژستیکی مرکز صفتیده قبول قیلینگن.
قزاقستان رسمی‌لری، اسلام امیرلیگی هیئتی گه تورغندی، هرات، قندهار، سپین‌بولدک و مزارشریف-خرلاچی تیمیر یولی قوریلیشی خصوصیده یاردم بیریش وعده‌سینی بیرگن.
بیزلرنینگ «ایکس» ترماغی ده هم تعقیب قیلینگ!
شونینگدیک، افغانستان نینگ تازه میوه‌لری اینیقسه انار قزاقستان گه صادر قیلینیش جریانی باشلنیش گه قۉشیمچه، ایکّی مملکت خصوصی سکتوری اۉرته‌سیده ایکّی مینگ تُن میوه آلیش-بیریش شرطنامه‌سی هم امضالنگن.
بوندن آلدین، افغانستان سرپرست حکومت صناعت و سودا وزیرلیگی، بو مملکت بیرینچی مرته قزاقستان گه ۲۳ تُن انار صادر قیلگنینی اېتگن اېدی.
