سرپرست حکومت عدلیه وزیرلیگی مسئوللری نینگ ایتیشلریچه، قویاش ۱۴۰۲-ییل‌ده اوشبو وزیرلیک خیریه نهادلر، اجتماعی اۉیوشمه‌لر و سیاسی حزب‌لرنی تېکیشریشیدن کیېن؛ ناقانونی فعالیت سبب ایکّی حزب و ۷۵ اجتماعی اۉیوشمه و خیریه نهادلر نینگ مسئوللری خوفسیزلیک اداره‌لر گه تانیشتیریلگنلر.
عدلیه وزیرلیگی سۉزلاوچیسی برکت‌الله رسولی نینگ سلام‌وطندار گه ایتیشیچه، بو وزیرلیک نینگ تېکشیرولریدن کیېن ۱۹ خیریه نهاد، جوازلری مدتینی اۉزه‌یتیرمسلیک سبب فعالیتی توخته‌تیلگن.
بیزلرنینگ فیسبوک صحیفه‌میزگه باش اورینگ!
اونگه کوره: «مذکور وزیرلیک نینگ اۉیوشمه‌لر و اجتماعی نهادلر ریاستی قویاش ۱۴۰۲-ییل‌ده اولکه بویلب یوزلب اۉیوشمه فعالیتینی تېکشیرگن. اوشبو نظارت و تېکشیرو ده، ایکّی سیاسی حزب و ۷۵ خیریه موسسه نینگ ناقانونی فعالیت‌لری طفیلی فعالیتی توخته‌لیب و مسئوللری خوفسیزلیک ارگان‌لر گه تانیشتیریلگن؛ عینی شو ییل‌ده ۱۸ خیریه موسسه فعالیت جوازلری مدتینی اۉزه‌یتیرمسلیک سبب، جوازلری عدلیه وزیرلیگی تامانیدن بیکار قیلینگن.»
عدلیه وزیرلیگی سۉزلاوچیسی نینگ ایتیشیچه، قانون رعایت اېتیلیشی اوچون بو قرارنی آلگنلر. اونگه کوره، مملکت بویلب برچه اۉیوشمه‌لر و نهادلر اوشبو وزیرلیک نظارتی آستیده فعالیت قیلیشی کېره‌ک.
بیزلرنینگ «ایکس» ترماغی ده هم تعقیب قیلینگ!
افغانستانده هېچ بیر سیاسی و اجتماعی نهاد نینگ فعالیت قیلیش حقی یوق‌لیگینی معلوم قیله‌دی، عدلیه وزیرلیگی سۉزلاوچسی برکت‌الله رسولی.
ایتیش کېره‌ک، بوندن آلدین سرپرست حکومت عدلیه وزیرلیگی رسمی‌لری افغانستانده حزب‌لر نینگ فعالیت‌لرینی ناقانونی اعلام قیلگن.
