قندوزده ایشانچلی محلی منبع‌لرنینگ سلام‌وطندارگه ایتیشلریچه، بو ولایت مرکزی قماخانه‌سیده بیرقطار محبوس‌لر قاچیش اوچون اوشبو قماخانه نینگ دیوارلرینی قازگن ایکن‌لر و اولر ایسه اوتکن کون شام چاغی قاچیش گه موفق بولگن‌لر.
منبع‌لرنینگ کوپیتیریش‌لریچه، اوتگن کیچه شام چاغی قندوز شهری نظامی وضعیت نی اوزیگه آلگن ایکن و اسلامی امارت کوچلری قالگن محبوس‌لرنی بو ولایت مرکزی قماخانه‌سیدن باشقه جای‌گه انتقال بیرگن‌لر.
بیزلرنینگ توییترده هم تعقیب قیلینگ!
ایتیلیشیچه، اوشبو قماخانه‌دن قاچیش گه موفق بولگن محبوس‌لر سانی ۲۰ کیشی‌گه یقیین و قندوز مرکزی قماخانه‌سی نینگ بوتون محبوس‌لری نینگ سانی بیللی ایمس. منبع‌لرنینگ تاکید قیلیش‌لریچه، بو محبوس‌لردن بیر قسمی قماخانه‌گه یقین اویلر و اوشبو محل جاده‌لری آرقه‌لی قاچیش‌گه موفق بولگن‌لر.
بیراق قندوز امنیه قومندانلیگی نینگ سوزلاوچیسی عبیدالله عزیز نینگ ایتیشیچه، اوتگن کون شام چاغی بیر کیشی قماخانه‌ده محبوس‌لرنی قاچیریش اوچون کیرگن ایکن.
قندوز امنیه قومندالیگی نینگ سوزلاوچیسی‌گه کوره، اولر قماخانه اطرافی نی قمروگه آلیب و محبوس‌لرنی باشقه ییرگه انتقال بیرگن‌لر. او ۲۰ محبوس‌نی قندوز مرکزی قماخانه‌سیدن قاچگنینی رد قیلیب ایتیشیچه، معلومات‌لرینی کیین میدیالر بیلن شریک قیله‌دیلر.
بیزلرنینگ فیسبوک صحیفه‌میزگه باش اورینگ!
شونینگدیک قندوز معلومات و مدنیت ریاست باشلیغی مطیع‌الله روحانی نینگ ایتیشیچه، محبوس‌لردن نیچی ته‌سی قاچیش ریجه‌سینی توزتگن ایکن‌لر و ایشیک‌لرینی سیندیرگن پیتده، بو مسأله قماخانه قوریقچی‌لری آرقه‌لی مهار قیلینگن.
اونینگ کوپیتیریشیچه، محبوس‌لردن بیر قسمی قاچگندن کیین، ساحه قماقخانه قوریقچی‌لری آرقه‌لی کنترول قیلینیب، قالگن محبوس‌لرنی قاچیشی نینگ آلدی آلینگن.
