پاکستان وقتینچه‌لیک حکومتی نینگ تشقی ایشلر وزیری جلیل عباس جیلانی، قندهار حاکمی محمدشیر آخوند بیلن اوچره‌شووی ده، مملکتی افغانستان بیلن همکارلیگی گه دوام بیریش و مناسبتینی مستحکم‌لش گه متعهدلیگینی ایتگن.
پاکستان تشقی ایشلر وزیرلیگی بیر بیانیه ترقه‌تیب ایتیشیچه، ایکی تامان ۱۳-جدی، چهارشنبه کونی اوچره‌شگن و تامان‌لر ایکی مملکت نینگ مناسبت‌لرینی مستحکم‌لش اوستیگه تاکید ایتگنلر.
بیزلرنینگ فیسبوک صحیفه‌میزگه باش اورینگ!
بیانیه اساسیده، مذکور اوچره‌شووده تامان‌لر چیگره خوفسیزلیگی مسئله‌سی حقیده هم بحث ایتگنلر.
قندهار حاکمی اوتگن کون پاکستان گه ییتیب بارگن.
اسلام امیرلیگی سرپرست حکومت سوزلاوچیسی ذبیح‌الله مجاهد، اوتگن کون ایکس اجتماعی ترماغی ده، افغانستان-پاکستان اویغون‌لیگی قوشمه کمیته نینگ آلتینچی ییغیلیشی، پاکستان پایتختی اسلام‌آباد ده یولگه قوییلیشینی ایتگن.
مجاهد جنابلری نینگ کوپه‌یتیریشیچه، بو ییغیلیش ده افغانستان نماینده‌لیگیدن ملی مدافعه وزیرلیگی نینگ استخبارات و استراتیژیک معینی و قندهار حاکمی محمدشیر آخوند اشتراک ایتگنلر.
بیزلرنینگ «ایکس» ترماغی ده هم تعقیب قیلینگ!
سرپرست حکومت سوزلاوچیسی گه کوره، مذکور ییغیلیش ده افغانستان و پاکستان آره‌سیده دیورند چیزیغی مسئله‌سی اوستیده‌گی قرشی‌لیک‌لر و دیورند چیزیغی ایکی تامانیده‌گی اهالی گه قولی‌لیک یره‌تیش مسئله‌لری بحث گه آلینیشی کوتیله‌دی.
