سرپرست حکومت سۉزلاوچیسی ذبیح‌الله مجاهد، اۉتگن کون ملی تلویزیون تامانیدن ترقه‌لگن ویدیو بیاناتیده، افغانستان اوچون امریکا مخصوص وکیلی نینگ منطقه مملکت‌لر گه سفرلری و افغانستان خصوصیده بحث‌لرینی کلیشه‌ای و اونیم‌سیز دیب اته‌گن.
مجاهد گه کوره، بو سفرلر اسلام امیرلیگی بیلن شریک قیلینمه‌گن حالده، نتیجه بیرمه‌یدی.
سیاسی ایش بیلرمان‌لر، سۉنگی بیر ییل ده اسلام امیرلیگی نینگ منطقه مملکت‌لر بیلن مناسبت‌لری کېنگه‌یشی گه اشاره قیلیب ایتیشیچه، امریکا بو مملکت لرده‌گی نفوسیدن فایده‌لنیب و افغانستان ده اۉز منفعت و اېستک‌لرینی قبول قیلدیریش و بو مملکت ده دنیا خواطرلری گه چېک قوییش اوچون سعی-حرکت قیلماقده.
بیزلرنینگ فیسبوک صحیفه‌میزگه باش اورینگ!
خلق‌ارا مناسبت‌لر ایش بیلرمانی بلال فاطمی نینگ ایتیشیچه، اسلام امیرلیگی تامانیدن دنیا همجمعیت نینگ اېستک لری انابت گه آلینمسلیگی و سۉنگی اوچ ییل ده دنیا بیلن مثبت مناسبت قوره آلمسلیک باعث، امریکا و غرب باشقه مملکت‌لری منطقه ده‌گی نفوس‌لریدن فایده‌لنیب و اسلام امیرلیگی اوستیگه باسیم کېلتیریش گه سعی-حرکت قیلماقده.
اونگه کوره: «سۉنگی کون‌لرده امریکا رسمی‌لری مملکت‌لر گه سفر قیلماقده، دنیا اۉز اسلوبینی اۉزگرتیرماقده، بولر دستلب بیز بیلن صحبت بولسین دیېدی، اسلام امیرلیگی اولر نینگ اېسته‌گیگه مثبت جواب قیترمه‌یدی بو حرکتلر افغانستان ده ایچکی تېزیم ضعیف بولیشی گه سبب بوله‌دی.»
ایتیش کېره‌ک، قریب سۉنگی آلتی آی ده افغانستان اوچون امریکا نینگ مخصوص وکیلی توماس وست منطقه مملکت‌لر اینیقسه پاکستان، بیرلشگن عرب امیرلیگی، سعودی عربستان، قطر، هندوستان و تورکیه گه سفر قیلگن.
بیزلرنینگ «ایکس» ترماغی ده هم تعقیب قیلینگ
توماس وست اوشبو سفرلری دایره‌سیده امریکا شریک‌لری بیلن کوپراق سیاسی، امنیتی، انسان حقلری و اقتصادی مسأله‌لرنی بحث گه آلگن.
شو بیلن بیرگه، سیاسی ایش بیلرمان شفیق‌الله سادات توماس وست نینگ منطقه مملکت‌لر گه سفرینی اونیملی دیب ایتیشیچه، افغانستان فقرالری نینگ قیینچیلیک‌لری حلی اوچون دنیا اسلام امیرلیگی بیلن کېلیشیب و دایمی مذاکره‌لری گه دوام بیریش‌لری کېره‌ک.
اونینگ کوپه‌یتیریشیچه: «افغانستان مسأله‌سی مرکب بیر مسأله دیر منطقه و بویوک قدرت‌لر نینگ طبیعی که رولی تاثیرلی دیر بیراق اسلام امیرلیگی اوچون بدیلی‌میز یوق، اسلام امیرلیگی بیلن مذاکره‌لری گه دوام بیریش‌لری کېره‌ک.»
ایتیش کېره‌ک، افغانستان اوچون امریکا نینگ مخصوص وکیلی توماس وست ایکّی کون آلدین تورکیه و قطر گه ایکّی کون‌لیک سفری ده، افغانستان وضعیتی گه دایر دوحه اوچینچی ییغیلیشی و افغانستان خلقی نینگ انسان پرورلیک یاردم‌لر گه احتیاج‌لری حقیده بحث اېتگن.
