بوگون مملکت نینگ وضعیتیگه دایر مردمی ییغینده اشتراک ایتگن اسلامی امارت مسئوللری نینگ ایتیشلریچه، اسلامی امارت بوتونلی اسلامی و افغانستان خلقی نینگ خواستلری گه ماس بیر تیزیم دیر.
اسلامی امارت مسئوللریدن بیری امینالله وقار گه کوره، اوشبو تیزیم برابریده مبارزه قیلهدیگنلر حقیقتده «الله و رسولی» برابریده مبارزه قیلهدیلر. اونینگ ایتیشیچه: «اسلامی تیزیم بیلن مبارزه قیلهدیگنلر، حقیقتده الله و رسولی بیلن اوروشهدی.»
بیزلرنینگ فیسبوک صحیفهمیزگه باش اورینگ!
عینحالده، اوشبو ییغینده اسلامی امارت دعوت و ارشاد مسئولی مولوی محمد عیسی مردمگه خطاب ایتیشیچه، اهالی اسلامی امارتدن حمایت ایتمهگن تقدیرده، اولر نینگ سله و ساقاللری اخلتگه تشلنهدی.
اونینگ تأکیدلشیچه، الله بیلن مبارزه قیلیش توانی بولگن آدم، میدانگه کیلیب اسلامی امارت بیلن مبارزه قیلیشی کیرهک.
اونگه کوره: «الله گه قسم کلهپوشلرینگیز، سلهلرینگیز و ساقاللرینگیز، اخلتلرده تشلنهدیمی یوق، سینهلگننی سینهش خطا دیر.»
مذکور ییغینده اسلامی امارت متصدیلری، دنیا جماعهچیلیگی تامانیدن اسلامی امارت رسمیت گه تانیلمسلیگینی ظلم دیب ایتیشلریچه، دنیا جماعهچیلیگی دموکراسی رعایت ایتیلیشی اوچون، اسلامی امارتنی رسمیت گه تانیمهگن.
بیزلرنینگ توییترده هم تعقیب قیلینگ!
ایتیش کیرهک که، اسلامی امارت رسمیتگه تانیلیشی اوچون، بشر حقوقینی رعایت قیلیش، همه شمول حکومت شکللنیشی و تعلیم حقی، دنیاهمجمعیت نینگ شرطلریدن دیر و اسلامی امارت ۳ حملده برچه مکتبلر آچیلیش وعدهسینی بیرگن ایدی؛ بیراق وعدهلری گه قرشی آلتینچی صنفدن یوقاری قیزلر نینگ مکتبلرینی آچمهدی.
مذکور ییغینده اشتراک ایتگن مسئوللردن قطاری نینگ ایتیشلریچه، قیزلر نینگ مکتبلری حجاب رعایت ایتیلمسلیگی و مکتب مضمونلری اسلامی شرعیت گه ماس بولمسلیگی اوچون یاپیق قالگن و ذکر ایتیلگن موردلر حل بولگن صورتده مکتبلر تیزلیک بیلن آچیلهدی.
