اسلام امیرلیگی باش وزیری اقتصادی اورین‌باسرلیگی، دوشنبه کونی اوز اکس صحیفه‌سیده بیر بیانیه ترقه‌تیب ایتیشیچه، اقتصادی رواجلنیش بیلن ایچکی تولیدلر، ایکینچیلر و چاروه‌چیلردن حمایت قیلیش اوچون بیر لایحه تیارلب و اونینگ نهایی بولیش مقصد سرپرست حکومت باش وزیری مقاملیگی‌گه یوبارگن.
اوشبو لایحه اساسیده، وزیرلیک‌لردن برچه‌سی ایچکی محصوللردن فایده‌لنیش گه اولویت بیریشلری کیره‌ک.
بیزلرنینگ فیسبوک صحیفه‌میزگه باش اورینگ!
شونینگدیک یشاوچیلردن، ایکینچیلیک و چاروهچیلیک محصوللریدن فایده‌لنیش یانیده، اوی-جای قوریش خصوصیده افغانستان ده ایشلب چیقریلگن سمنت‌دن هم قوللنیشلری سوره‌لگن.
بو توغریده اسلام امیرلیگی سوزلاوچیسی اورین‌باسری حمد‌الله فطرت‌نینگ ایتیشیچه: «اوشبو لایحه دهقانلر و چاروه‌‌چیلر اقتصادی رواجلنیشی و شونینگدیک ایچکی ایکینچیلیک و چاروهچیلیک محصوللر گه ماس بازار تاپیلیشی خصوصیده توزه‌تیلگن که اولردن اینگ باش‌ده ملی مدافعه و ایچکی ایشلر وزیرلیک‌لری، استخبارات ریاستی و امارتی برچه نهاد‌لر و یشاوچیلر اوز نیازلرینی تامین‌لش توغرسیده بو محصوللر گه اولویت بیریشلری کیره‌ک.»
شونده‌ی بیرحالده، اقتصادی ایش بیلرمانلردن قطاری، یشاوچیلردن کوپ قطاری‌نینگ حیاتی‌نی ایکینچیلیک و چاروه‌چیلیککه باغلیق بولگنی‌‌‌گه اشاره قیلیب و ایتیشلریچه، ایچکی محصوللردن فایده‌لنیش گه اعتبار قره‌تیش، افغانستان اقتصادی رواجلنیشی‌گه یاردم بیریشی ممکن.
اقتصادی ایش بیلرمانلردن قطب‌الدین یعقوبی‌نینگ ایتیشیچه: «افغانستان زراعتی بیر مملکت دیر و بو مملکت یشاوچیلریدن ۹۰ فایزی ایکینچیلیک بیلن شغللنگن. انه شوو سبب ایچکی ایکینچیلیک محصوللردن فایده‌لنیش ملی اقتصاد رواجلنیشی، ایش زمینه‌سی یره‌تیلیشی و ایکینچیلیک وضعیتی یخشی‌لنیشی گه یاردم بیره‌دی که بو رقم تشقی محصوللر گه باغلیق بولیش کمه‌یب و ایکینچیلیک‌نینگ کوچه‌یتیریلیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمانلردن باشقه بیری سیلاب سمندر‌نینگ ایتیشیچه: «بو لایحه صناعتچیلر اوچون ساتیش خصوصیده‌گی قیین‌چیلیک‌لردن ۴۰-۵۰ فایزینی حل قیله‌دی؛ بیراق بو اولر‌نینگ ایشی رواجلنیشی اوچون ییترلی بولمسلیگی ممکن. تولیدلر اوچون ساتیلیش بازارلرنی یره‌تیشلری کیره‌ک. برچه مملکت‌لر بیلن قوشمه تجارتی بازار بولیشی کیره‌ک که محصوللر باشقه مملکت‌لر گه تانیشتیریلسین.»
شونینگدیک بوندن آلدین اسلام امیرلیگی افغانستان بویلب برچه وزیرلیکلر، توی هوتل‌لری و احتفال‌لرده ایچکی تولیدلر اینیقسه ایکینچیلیک و چاروهچیلیک محصوللریدن فایده‌لنیش‌گه تاکید‌لب، ایچکی تولید‌لردن حمایت بولیش مقصد، وارداتی محصوللر تعرفه‌سینی هم کوپه‌یتیرگن.
