تخار خوفسیزلیک مسئوللری نینگ ایتیش‌لریچه، بو ولایت مرکزی تالقان شهریده بیر یاش قیز ناتانیش قورالیلر آرقه‌لی اولدیریلگن.
تخار پولیسی سوزلاوچیسی خلیل اسیر اولدیریلگن عیال نینگ کیم‌لیگی توغریسیده سلام‌وطندارگه ایتیشیچه، اونینگ آتی رومینا ایکن و مذکور ولایت ورسج تومنی نینگ «ترشت» قیشلاغی یشاوچیسی دیر.
اونگه کوره، هلاک ایتیلگن کیشی ۲۴ یاشر ایکن و بوگون (پنجشنبه ۲۵- جدی) توشدن آلدین تالقان شهری نینگ «حفیظ‌بای» حمامی منطقه‌سیده ناتانیش قورالیلر آرقه‌لی اولدیریلگن.
تخار پولیسی سوزلاوچیسی نینگ کوپه‌یتیریشیچه، مذکور حادثه سببی حاضرگچه بیللی بولمه‌گن و بو قضیه تیکشیریلماقده.
ایتیش کیره‌ک کیم، بو حادثه تخار پولیس قومندانلیگی نینگ یریم کیلومترلیگیده یوزبیرگن.
حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
