بلخ ده ساغلیق‌نی سقلش مسئوللری نینگ ایتیشلریچه، اوشبو ولایت‌ده یوز بیرگن ترافیکی حادثه عاقبتیده بیر عایله نینگ اوچ اعضاسی هلاک بولیب و باشقه بیر کیشی یره‌لنگن.
بلخ ساغلیق‌نی سقلش ریاستی نینگ یېتکرمه‌لر بولیمی مسئولی کمال‌خان زدران نینگ ایتیشیچه، مذکور حادثه بوگون ایرتنگ چاغی (شنبه، ۲۲_ثور)، حیرتان_مزارشریف یولیده یوز بیرگن.
بیزلرنینگ فیسبوک صحیفه‌میزگه باش اورینگ!
زدران گه کوره، اوشبو ترافیکی حادثه «اکتروس» رسوملی موتر بیلن «کرولا» رسوملی موتر نینگ توقنشگنی سبب یوز بیرگن و بو حادثه‌ده بیر عیال و بیر باله شامل اوچ کیشی اولیب و ۱۲ یاشر بیر باله اېسه یره‌لنگن.
بلخ ساغلیق‌نی سقلش ریاستی یېتکرمه‌لر بولیمی مسئولی نینگ بیاناتی اساسیده، مذکور کیشی‌لر نینگ جسدی ابوعلی سینای بلخی حوزه‌وی کسل‌خانه‌سیگه آلیب باریلیب و «اکتروس» رسوملی موتر هیداوچیسی قولگه آلینگن.
بیزلرنینگ «ایکس» ترماغی ده هم تعقیب قیلینگ!
ایتیش کېره‌ک، هیداوچیلر نینگ تیز هیده‌شی، هیداوچیلیک قاعده‌لر رعایت اېتیلمسلیگی و سرک‌لر نینگ کیچیکلیگی سبب، ولایت‌لردن کوپ قطاریده ترافیکی حادثه‌لر کوپه‌یب و انده-سنده یشاوچیلردن قربان‌لیک آله‌دی.
