مملکت یشاوچیلری اقتصادی قیینچیلیک بیلن دوچ ایکن، بلخ ده‌گی شفاکارلر تامانیدن شفری یا که رمزی نسخه‌لر یازیلیشی، اوشبو ولایت یشاوچیلری نینگ خواطری گه سبب بولگن.
بلخ یشاوچیلری نینگ سلام‌وطندار گه ایتیشلریچه، قطار شفاکارلر نینگ نسخه‌لرینی باشقه دارو ساتووچیلر اوقیه آلمه‌یدی. اولر گه کوره، بو کبی نسخه‌لر درمان اورنیده یشاوچیلر نینگ قیینچیلیک بیلن دوچ قیلگن و حکومت بو توغریده دقت قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
بلخ یشاوچیلریدن و شفری نسخه بیریلیش تجربهسی بولگن رشاد نینگ ایتیشیچه: «قرینداش‌لریمیزدن بیری سرطان گه چلینگن ایدی؛ شفاکار نینگ یازگن نسخه‌سینی هیچ دارو ساتووچی اوقیه آلمه‌دی. یالغیز اوشه شفاکار نینگ داروخانه سیده‌گی دارو ساتووچی اوقیدی. شفاکارلر یشاوچیلر اوستیگه تجارت قیله‌دیلر.»
بلخ یشاوچیلریدن و شفری نسخه بیریلیش تجربهسی بولگنلردن باشقه بیری سیدانور گه کوره: «حکومت بو کبی ایشلر گه توسیق بولیشی کیره‌ک؛ چونکه یشاوچیلر نینگ اقتصادی احوالی یخشی ایمس. شفاکارلر شخصی معاینه‌خانه‌لریده شفری نسخه یازه‌دیلر.»
عین‌حالده، بلخ مرکزی مزارشریف شهری ده دارو ساتووچیلر، شفری نسخه‌لر بارلیگینی تصدیقلب ایتیشلریچه، بو احوال کسللر نینگ خواطری گه سبب بولگن.
مزارشریف شهری ده دارو ساتووچیلردن لمر، شفاکارلر نینگ شفری نسخه یازیش‌لرینی طبیات قاعده‌لری گه قرشی دیب ایتیشیچه: «کسل کیشی‌لر باشقه جای‌لر گه سرگردان بولمسلیک‌لری اوچون شفاکارلر آچیق نسخه یازیش‌لری کیره‌ک. شفاکار گه تیگیشلی داروخانه‌لر، دارو نرخی گه نسبتن کوپ پول آله‌دی.»
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، بلخ ساغلیق‌نی سقلش ریاستی مسئوللری، بو کبی ایشلر گه توسیق بولیش اوچون سعی‌وحرکت قیله‌یاتگنلریدن ایشانچ بیره‌دیلر.
بلخ ساغلیق‌نی سقلش ریاستی نینگ ساغلیق قاعده‌لرنی عملگه آشیریش و تیکشیریش مسئولی جاوید سراجی گه کوره، اولر اوشبو احوال اوچون حاضرگچه نیچه ساغلیق مرکزنی جریمه و معاینه‌خانه‌لرینی یاپگنلر.
بلخ ساغلیق‌نی سقلش ریاستی نینگ ساغلیق قاعده‌لرنی عملگه آشیریش و تیکشیریش مسئولی نینگ کوپه‌یتیریشیچه: «شفری نسخه بیره‌دیگن شفاکارلرنی نیچه مرته جریمه قیلگن‌میز. حاضرگچه اوچ کسلخانه، بیش معاینه‌خانه و قریب ۴۰ شفاکارنی ساغلیق‌نی سقلش وزیرلیگی نینگ قاعده‌لری اساسیده جریمه قیلگن‌میز.»
بو گزارش ده، شفری نسخه یازیش گه عیبلنگن شفاکارلر نینگ فکر-ملاحظه‌سینی اورگه‌نیش اوچون تلاش قیلدیک؛ لیکن اولر بوتوغریده جواب قیتیریش گه حاضر بولمه‌دیلر.
