بلخ سودا و سرمایه یاتقیزیش اتاق باشلیغی هارونرشید قاضی، افغانستان دن اوزبیکستان گه ایکینچیلیک محصوللری یوباریلگنیدن خبر بیرگن. اونینگ کوپهیتیریشیچه، اوشبو محصوللر انار، آلمه و توتمهییزدن عبارت بولیب، بوگون (۱-قوس، شنبه)، حیرتان بندری آرقهلی صادر بولگن.
جناب قاضیگه کوره، آغیرلیگی ۵۰۰ تُن بولگن مذکور محصوللر ارزشی، ۲۵۰ مینگ دالر گه ییتیشهدی.
بوندن آلدین مسئوللر، اوزبیکستان آرقهلی تورکیه و روسیه گه ایکینچیلیک محصوللر صادراتی توغریسیده بیر کیلیشوونامه امضالنگنیدن خبر بیرگنلری بیرحالده، بو یوک اوزبیکستان گه یوباریلگن. مذکور کیلیشوونامه اساسیده، بوندن سونگ مملکتنینگ ایکینچیلیک محصوللری اوزبیکستان سوداگرلری همکارلیگیده سالیق توللنمسدن یوبایلهدی.
مملکت سوداگرلری بو کیلیشوونامه امضالنگنینی خوش قرشیلب و اوزبیکستان دن، تجارتی مناسبتلر کوچهیشی اوچون ایکی مملکت آرهسیده آسایشتهلیکلر کوپهیب و ویزا بیریلیش جریانی یرهتیلیشینی سورهگنلر.
حیرتان تجارتی بندری، مملکتنینگ کته بندرلریدن بولیب و بو یول آرقهلی، اورته آسیا مملکتریگه سوداگرلیک توارلر صادر بولهدی.
