بیر نیچه دریا نریده-اونلب ییللر نفس آلگن و اۉزینی تاپگن یورتدن اوزاقده، او کوننی یالغیزلیک حسی بیلن باشلهیدی. ۲۵ یاشر ساره، اصلیده کابلدن، توزوم اۉزگرگچ کانادا گه مهاجر بولگن و اېندی او ینگی دنیاده اۉزینی تاپیش اوچون جان-جهدی بیلن حرکت قیلماقده.
حیات اېندی اونگه بیلیم یورت گه باریش امکانینی بیرمهگن، او اۉزینینگ و افغانستانده عایلهسینینگ اساسی احتیاجلرینی تأمینلش اوچون، مجبور بولگن کونینی دکانده ایشلش بیلن اۉتکزهدی.
اونینگ ایتیشیچه: «افغانستاننی ترک اېتیشنی هېچ قچان اویلمهگندیم، چونکه افغانستانده آرزولریم کوپ اېدی و عملگه آشیریشیم کېرهک اېدی، بیراق مجبور بولدیم اوقیب و تحصیلنی بیتّیریشیم لازم اېدی و شونینگدیک ایشلب و اقتصاد نقطه-نظردن عایله گه یاردم بیریشیم کېرهک اېدی.»
بیزلرنینگ فیسبوک صحیفهمیزگه باش اورینگ!
عایله مهریدن اوزاق قالیش و اساسی احتیاجلرنی تأمینلش مسئولیتینی ییلکهسیده کوتریش، ساره اوچون آسان اېمس. اطراف دهگیلری توشینیشی اوچون، او کودک کبی ېنه باشیدن تیل اورگهنیش گه مجبور بولگن. استه-سیکین تیلنی پخته اورگهنیب ایش تاپیش یا که افغانستانده یریم قالگن عالی تعلیمینی دوام اېتّیریب، اونی تماملش امکانیگه ایگه بولیش گه امیدوار دیر. «تیل اورگهنیش کتّه معما دیر، ایشلش یا که مکتب و بیلیم یورتده اوقیش اوچون اونی بوتونلی اورگهنیش کېرهک، هم کورس بارهمن و هم ایشلهی من مین اوچون جوده هم قیین دیر، بیراق آرزولریم بار عملگه آشیریشیم لازم.»
مهاجرلیکنینگ قیینچیلیکلری نهفقط کوندوزلری سارهنینگ آنگینی بند قیلگن، بلکه تونلری هم اونی یالغیز بیر خانهده قرشی کوتیب آلهدی؛ بو ییر هر کیچه اونگه عایلهسینی ایسلتهدی و یالغیزلیکده ییلکمه-ییلکه حیات کیچیریشنی اورگتهدی. «غربت بیر مملکتده عایلهدن اوزاق، تیلی بیگانه، ینگی حیات بیلن روپهره بولیش گه مجبور بولدیم. تونلری جوده هم قیین کیچهدی.»
بیزلرنینگ «ایکس» ترماغی ده هم تعقیب قیلینگ!
یالغیزلیک سایهسی و عایلهدن اوزاقلیکده، ساره شوق و علاقه بیلن بیلیم یورت گه باریب و ژورنالیست بولیش آرزوسی بولگن کونلرنی ایسلهیدی. غم گه توله یورهگی و اورتاقلری بیلن خیرلشه آلمهی و بیلیم یورتده اوقیشلرینی آلتینچی سمسترده مهاجرلیک قصدی گه ترک قیلگنی حقیده بوندهی دیېدی. «انیق ایسیمده – قندهی وطننی ترک اېتدیم حتا اورتاقلریم و قرینداشلریم بیلن خیرلشه آلمهدیم، کیچهلری کوز آلدیمگه کېلهدیگن خاطرهلر اورتاق، قرینداش و عایله اعضالریمنی اېسلتهدی.»
گرچه حاضر سارهنینگ حیاتی نسبتن برقرارلیکّه اېریشگن و او افغانستاندهگی سکیز کیشیلیک عایلهسی اوچون اقتصادی تیهنچ بولگن بولسهده؛ بیراق اوی ساغینچی و عایله مهری گه بولگن تشنهلیک و یریم قالگن آرزولر هنوز اونینگ قلبی و آنگیگه آغیر یوک بولیب قالماقده.
ساره هر کیچهنی ییلکهلریده چرچاق و کوکسیده یوتیب یوبارگن بیر الم بیلن تانگ آتّیرهدی، هر کون اېسه، او ېنه دکاننینگ مشقتلی ایشی و تیل اورگهنیش درسلری یولیدن یوریشنی باشلهیدی، او بو یولدن آرتگه چېکینمسلیکّه مجبور.
