سلام‌وطندار یاشلرنینگ تورموش قوریشی‌ده واسطه‌چیلیک قیلیش روللرنی تېکشیریش اوچون ۵۵ یاش بیلن صحبت اۉتکزگن، اولر واسطه‌چیلیک قیلیش تورموش قوریش‌لریده مهم رول اوینه‌گنینی اېتگنلر.
بو گزارش‌ده صحبت قیلگن ۵۵ یاش‌دن ۲۲ نفری اویلی و ۳۳ نفری بویداق بولگنلر. اویلی بولگن ۲۲ یاش‌دن ۱۴ نفری، قرینداش و اورتاق‌لری آرقه‌لی مقابل تامان بیلن تانیشیب و کېین اېسه تورموش قورگنلرینی اېتگنلر.
کابل یشاوچیسی فرشته‌نینگ ایتیشیچه، ییتی ییل اول قرینداش‌لری آرقه‌لی بیر ییگیت بیلن تانیشگن و بیر-بیراولرینی یخشی تانیگندن سۉنگ اویلنگنلر. اونینگ کوپه‌یتیریشیچه: «ابه‌م‌نینگ خاتینی اوی‌میزگه کوپ کېلردی؛ ابه‌م‌نینگ قۉشنی‌سی اوغیل‌لری اوچون قیز قیدیرر اېدیلر؛ اولر مینی تانیشتیردی؛ الله گه شکر که یخشی و فراصتلی عایله دیر شونی اوچون هردایم ابه‌م‌نینگ خاتینینی یخشی دعا قیله‌من.»
کابل یشاوچیلریدن باشقه بیری احمد گه کوره: «واسطه بوله‌دیگن آدم ایکّی تامان‌نی تانیشی کېره‌ک؛ چونکه اویلنیش مرکب ایش دیر ایکّی کیشی عمرباد بیر ییرده یشه‌یدیلر.»
بویداق بولگن ۳۳ یاش‌دن ۲۸ نفری، واسطه قیز و اوغیل عایله‌لری اۉرته‌سیده علاقه قوریش اوچون اولرگه یاردم بیریشیگه ایشانه‌دیلر.
بیزلرنینگ فیسبوک صحیفه‌میزگه باش اورینگ!
۲۰ یاشر و بویداق بلقیس گه کوره، واسطه ایکّی عایله اۉرته‌سیده علاقه اورنه‌تیش گه یاردم بیره‌دی. اونینگ کوپه‌یتیریشیچه: «واسطه یاردم بیریشی ممکن اینیقسه اولر رحم‌دل و آگاه بولسه‌لر؛ بیراق واسطه باسیم یا که چېکلاو گه سبب بولسه قیینچیلیک تاپیلیشی ممکن.»
بو گزارش‌ده صحبت قیلگن یاشلرنینگ ایشانچی گه کوره، واسطه‌لرنینگ یالغیز تانیشتیریش رولی بولیب و اولرنینگ قرار قبول قیلیشی‌ده اره‌لمشمسلیگی لازم.
اوشبو گزارش‌ده صحبت قیلگن یاشلردن بیرقطاری‌نینگ عایله اعضالری گه کوره، آدملر یاشلر گه قانون-قاعده اساسیده مصلحت بیریشی کېره‌ک. اولرنینگ ایتیشلریچه، حکومت رسمی اداره‌لر قوریش بیلن یاشلرگه مصلحت بیریش زمینه‌سینی یره‌تیشی ممکن.
بیزلرنینگ «ایکس» ترماغی ده هم تعقیب قیلینگ!
بیش باله آنه‌سی کبرانینگ ایتیشیچه: «واسطه یخشی دیر؛ چونکه یاشلرنینگ تورموش قوریشینی قولی‌لشتیره‌دی؛ یاشلر مقابل تامان‌نی تانیب و تنلش اوچون بو ایش قانونی بولسه یخشی دیر.»
تورت قیز و بیر اوغلی بولگن شعیب گه کوره: «واسطه اوتمیش‌لردن بیری بار؛ بیراق سنتی طرزده؛ ترتیبلی طرزده بو اېزلنسه، یاشلر کېله‌جک تورموش اورتاقلرینی قولی شکلده تاپیش‌لری ممکن دیب اویله‌ی من.»
دین عالمی عمرمختار نیکزاد، اسلام دینی‌ده واسطه‌لر اورنی اهمیتلی بولگنینی اېته‌دی. اونینگ کوپه‌یتیریشیچه: «پیامبرص اېته‌دیلر خیر ایشگه رهنمالیک قیله‌دیگن آدم بو ایشنی قیله‌دیگن آدم کبی دیر و اونگه اجر بیریله‌دی؛ واسطه‌چیلیک یخشی ایش دیر. واسطه‌چیلیک قیله‌دیگن آدم، کېین اوچون هېچ مسئولیتی یوق؛ واسطه‌چی کیشیلر تورموش قوریش ایشلرده اره‌لشی کېره‌ک.»
جمعیت‌شناس مصطفا عاقلی گه کوره، ایکّی تامان اۉرته‌سیده واسطه‌چیلیک قیله‌دیگن آدم ایکّی تامان‌نی تانیشی کېره‌ک. اونینگ ایتیشیچه: «افغانستان کبی بیر مملکت‌ده عایله‌لر، معیارلر، مذهب یا اجتماع‌نینگ تورموش اورتاق‌نی تنلش‌ده رولی بولیشی ممکن، واسطه‌لر تامان‌لر گه بو معیارلرنی عملگه آشیریش گه یاردم بیره‌دی.»
امرمعروف و نهی منکر وزیرلیگی، یاشلرنینگ تورموش قوریش زمینه‌سینی یره‌تیش اوچون ریجه‌لرنی تیارلش مقصدیده سعی-حرکت قیلماقده‌لیگینی اېته‌دی. اوشبو وزیرلیک سۉزلاوچیسی سیف‌الله اسلام خیبر گه کوره: «تورموش قوریش‌نی آسان‌لشتیریش اوچون برنامه‌لر بار که قنده‌ی کېله‌جک‌ده عامه فکرینی اصلاح اېتیش و جمعیت‌ده‌گی ناقولی فرهنگ‌لرنی یوق اېتیش اوچون آگاهی‌لیک بیریش درکار.»
افغانستان‌ده تورموش قوریش اوچون واسطه‌چیلیک قیلیش، فرهنگی و اجتماعی بیر عنعنه سنله‌دی و بیرقطار آدملر واسطه عایله‌لر اۉرته‌سیده‌گی علاقه‌لرنی مستحکم قیلیب و تورموش قوریش اوچون قولی‌لیک یره‌تیشگه ایشانه‌دیلر.