باغدارلردن قطاری حاصلات میزانی کوپهیگنیدن خورسندلیک قیلسهلرده، بیراق ایچکریده طلب آزلیگی همده مملکتدن تشقریده سودا بازاری سیزیلرلی درجهده کمهیگنیدن شکایت قیلماقدهلر.
اولرنینگ ایتیشلریچه، صادرات بولیمیده قیینچیلیک بارلیگی سبب، حاصللری ایچکی بازارلرده آز قیمت گه ساتیلیب و مصرفلرینی چیقره آلمهیدیلر. لوگر ولایتی مرکزی پلعلم شهریدهگی باغدارلردن احمداللهنینگ ایتیشیچه: «اوتگن ییل گه قرهگنده حاصلات کوپهیگن، اینیقسه زردآلو، آلوبالو، قاوون و آلمه حاصلاتی کوپهیگن، بیراق قیغو بیلن یریم قیمت گه ساتیلهدی و حتا مصرفنی هم چیقره آلمهیمیز. دولتدن تازه میوهلر اوچون تشقی و ایچکی بازارلر تاپیلیشینی ایستهیمیز که اقتصادی نقطهی نظریدن خودکفا بولسهک.»
بیزلرنینگ «ایکس» ترماغی ده هم تعقیب قیلینگ!
شونینگدیک پروان ولایتی سیاهگرد تومنیدهگی باغدارلردن امراللهنینگ ایتیشیچه: «بو ییل زردآلو و شفتالو حاصلاتی صفتی یخشی دیر، بیراق بازار یوق. مینگ رقم قیینچیلیک بار. بو ییل باشده بازار یخشی ایدی، حاضر ایسه زردآلونینگ کیلوسی ۱۴۰ افغانی دیر که ایچکی بازارده دهقان گه اونچه فایده قالمهیدی.»
باشقه بیر تاماندن، سوداگرلرنینگ ایتیشلریچه، بو ییل تازه میوهلر ایران و هندوستان گه صادرات بولیمیده قیینچیلیک بارلیگی و ایچکی بازار کمهیگنی سبب، آز قیمت گه ساتیلهدی. مذکور سوداگرلرگه کوره، حاضر ایسه تازه میوهلردن قطاری یالغیز پاکستان گه صادر بولهدی.
کابل ده تازه میوه سوداگرلریدن غلام حضرتنینگ ایتیشیچه: «حاصلات کوپهیگن، بیراق صادرات یوق. زردآلو، گیلاس، قاوون و باشقه میوهلر حاصلاتی کوپ دیر. بیر سیر زردآلونی ۸۰ و ۱۰۰ افغانیگه ساتهمیز. نه ایران گه کیتهدی و نه هندوستان گه، فقط پاکستان گه زردآلو صادر بولهدی.»
شوندهی بیرحالده، تازه میوه و سبزهوات سوداگرلری بوییچه بیرلشمهسی، هندوستاننینگ واگه بندری یاپیق قالگنی و ایراننینگ چابهار و عباس بندریدهگی قیینچیلیکلر، مملکتدن تشقیگه تازه میوه صادراتی کمهیگنی اصلی سببلریدن دیگنلر. اولرنینگ کوپهیتیریشلریچه، حاضر ایسه تازه میوه صادراتی یالغیز هوا دهلیزلری آرقهلی صورت تاپهدی.
مذکور بیرلشمه باشلیغی امید حیدرینینگ سلاموطندار گه ایتیشیچه: «هوا یولی آرقهلی صادر بولیشینینگ خرهجتی یوقاری دیر. بیر کیلوسی ایکی دالر دیر. حاضر ایسه پاکستان دن باشقه جای گه صادر هم بولمهیدی. اوتگن ییللرده بیر یریمدن ایکی مینگ دالرگچه بیر موتر میوهنی هندوستان گه صادر قیلهر ایدیک که حاضر بو ۲۴دن ۲۵ مینگ دالر گه ییتیشگن.»
افغانستان سودا و سرمایه یاتقیزیش اتاقی مسئوللری، بو ییل مملکتدن تشقیگه تازه میوه صادارتینینگ اوتگن ییلگه نسبت کمهیگنینی تصدیقلب و ایتیشیچه، جاری قویاش ییل باش اوچ آییده ۳ میلیوندن آرتیق دالر ارزشیگه تازه میوه صادر بولگن.
بیزلرنینگ فیسبوک صحیفهمیزگه باش اورینگ!
اوشبو اتاق مدیره هیئت اعضاسی خانجان الکوزینینگ ایتیشیچه: «اوتگن ییللرگه قرهگنده صادرات کمهیگن. حاضر تازه میوه فقط پاکستان گه صادر بولهدی. تعرفهنینگ کوپ بولگنی بیرحالده، جاری قویاش ییل باش اوچ آییده ۳ میلیوندن آرتیق دالر تازه میوه صادر بولگن. صادراتیمیز اینیقسه هندوستان گه جودهیم کمهیگن. مرکزی آسیا مملکتلری بیلن گپلشدیک که بو یوللردهگی قیینچیلیکلر حل بولسه.»
افغانستان، تورلیخیل اقلیم گه ایگه بولگنی سبب، یوقاری صفت بیلن قاوون، ترووز، انار، اوزوم، زردآلو، آلوبالو، توت و باشقه بیر قطار میوهلر ییتیشتیریلهدیگن مملکتلردن بیری دیر؛ بیراق هر ییلی باغدارلر ایچکی بازار یوقلیگی و صادارت توغریسیدهگی قیینچیلیکلردن شکایت قلیهدیلر.
