خبرچی‌لر ترور رقمی کوپه‌یگنی و اولکه‌ده خبرچی‌لیک وضعیتی یمان بولگنیدن سونگ، بوگون معلومات و مدنیت وزیرلیگی کابلده خبری بیر ییغین اوتکزیب، اولکه خبرچی‌لری نینگ خوفسیزلیگی‌نی تامین‌لش اوچون ینگی برنامه قولگه آلگنیدن خبر بیرگن.
مملکت معلومات و مدنیت وزیرلیگی نینگ نشراتی اورین باسری عبدالمنان شیوای شرق نینگ ایتیشیچه، اوشبو وزیرلیک تامانیدن قولگه آلینگن برنامه‌گه کوره، خبرچی‌لر برابریده‌گی بوتون قیین‌چیلیک‌لر تیکشیریله‌دی و امنیتی نهادلر یاردمی بیلن ایش آلغه باره‌دی.
معلومات و مدنیت وزیرلیگی نینگ اورین باسری، قولگه آلینگن ینگی برنامه خبرچی‌لر برابریده‌گی تهدیدلرنی کمه‌یشی ممکن‌لیگی نی بیلدیرگن
سونگی کون‌لرده خبرچی‌لر قتلی آرتیب و افغانستان میدیالری همده میدیالردن حمایت قیلووچی نهادلر خبرچی‌لر خوفسیزلیگی تأمین ایتیلمس‌لیگیدن خواطر بیلدیرگن حالده، اوشبو سوزلر بیان ایتیلگن.
عین‌حالده، افغانستان ایرکین رسانه‌لریدن حمایت قیلووچی نهاد نینگ اجرایی باشلیغی مجیب خلوتگرنینگ سلام‌وطندارگه ایتیشیچه، معلومات و مدنیت وزیرلیگی تامانیدن قولگه آلینگن برنامه تاثیرلی ایمس و خبرچی‌لر خوفسیزلیگی تأمین ایتیلیشی اوچون، معلومات و مدنیت وزیرلیگی امنیتی نهادلر اوستیگه فشار آلیب کیلیشی لازم.
ترقهتیلگن گزارش‌لر گه کوره، سونگی ایکی آیده ۵ خبرچی هدف‌لی قتل‌لر، مقناطیسی ماین‌لر و باشقه واقعه‌لرگه قربانی بولگن.
