پکتیا ولایتی نینگ زرمت تومنی کوپینچه نفوس گه ایگه بولگن بیر تومن دیر. اوشبو تومن یشاوچیلری نینگ ایتیش‌لریچه، اوتمیش نیچه ییل جریانیده معارف خصوصیده اولر گه هیچ قنده‌ی توجه صورت تاپمه‌گن.
ینگی‌لیکده ییگیت‌لردن قطاری زرمت تومنی نینگ «تنتنک» منطقه‌‌سیده اوز هزینه‌لری و باشقه بیر قطار کیشی نینگ همکارلیگی بیلن مکتب اوچون بیر بنا توزه‌تیش گه قرار آلگنلر.
بیزلرنینگ توییترده هم تعقیب قیلینگ!
اوشبو گروه رئیسی امیر زئیر نینگ ایتیشیچه، اوشبو منطقه‌ده یالغیز بیر دولتی مکتب بار که مذکور دولتی مکتب نینگ بناسی یوقلیگی سبب، باله‌لر نینگ تعلیم خصوصیده قیین‌چیلیک بیلن روپه‌ره قیلگن.
اونگه کوره، اوشبو مکتب بناسی نی خامه شکلده توزته‌دیلر که صنف‌لری نینگ سانی توپلم ۱۴ اتاق و اونینگ هزینه‌سی ۱ میلیون ۸۰۰ مینگ افغانی بوله‌دی.
امیر زئیر نینگ ایتیشیچه: «تشقی مملکت‌لرده حیات کیچیره‌دیگن و دوست‌لر نینگ همکارلیگی بیلن اوشبو موضوع نی خیریه نهاد‌لردن قطاری بیلن شریک قیلدیک. بیراز یاردم صورت تاپگن. حاضر اوز هزینه‌میز بیلن بعضی ایشلر نی انجام بیرگن‌میز و بوگون هم یاردم توپلش اوچون بیر ییغین یولگه قوییدیک. کابل‌دن بیر قطار کیشی کیلگن ایدی. مالی بولیمی‌ده همکارلیک قیلیش‌لری اوچون امید‌وارلیک بار.»
اونینگ کوپه‌یتیریشیچه، اهالی و سوداگرلر اولر بیلن همکارلیک قیلگنلری صورت‌ده، شونینگدیک کیله‌جک‌ده باشقه منطقه‌لر هم مکتب‌لر اوچون بنا ایجاد قیلیش‌لری ممکن.
بیزلرنینگ فیسبوک صحیفه‌میزگه باش اورینگ!
زرمت تومنی نینگ «تنتنک» منطقه‌سیده‌گی مکتب سرمعلمی علامحمد زاهد اوشبو مکتب اوچون بنا توزه‌تیلیشی‌دن خورسند دیر، لیکن اونینگ ایتیشیچه، اوقیتووچی، کتاب و باشقه بیر قطار نرسه‌لر یوقلیگی، تعلیم پروسه‌سی گه سلبی تاثیر قویه‌دی.
پکتیا معارف ریاستی نینگ معلوماتی اساسیده، اوشبو ولایت‌ده حاضر ایسه ۳۷۰ مکتب بار که، اولردن ۱۸۰ ته‌سیده بناسی یوق. اوشبو مکتب‌لرده کمیده ۲۰۰مینگ اوقووچی درس اوقه‌دی که اولردن ۵۰ فایزی نی قیز اوقووچیلر تشکیل بیره‌دی.
