بو گزارشده، یاشلرنینگ پول ییغیش اسلوبی و ییغه آلمسلیک قیینچیلیکلری تېکشیریلگن. بو مسئله گه آیدینلیک کېریتیش اوچون، سلاموطندار مملکتنینگ ۱۱ ولایتیده ۲۶ ییگیت و ۲۴ قیز شامل ۵۰ یاش بیلن صحبت اۉتکزگن. تېکشیرو اساسیده پول ییغیش یاشلر حیاتیده مهم بولیب اقتصادی ترقیات و کېلهجکلرینی توزیش گه یاردم بیرگن.
گزارشده صحبت قیلگن ۵۰ یاشدن ۲۳ نفری ۱۵ قیز و سکیز ییگیت، اۉزلرینینگ اقتصادی ترقیاتی اوچون کوندهلیک یا که آیلیک درآمدلریدن بیر بولیمینی ییغهدیلر.
لغمانلیک ۲۲ یاشر ماریه، اوشبو ولایتنینگ بالهلر باغچهلریدن بیریده اوقیتووچی دیر ایتیشیچه، اقتصاد نقطه-نظریدن باشقهلر گه تینمسلیگی اوچون، درآمدیدن بیر بولیمینی ییغهدی. اونینگ کوپهیتیریشیچه: «اقتصادی قیینچیلیک بیلن روپهره بولمسلیک اوچون پول ییغهمن؛ چونکه یالغیز مین و ایناغهم اوی خرهجتی و بویوملری همده آتهمنینگ داروسینی تأمینلهیمیز، حاضرگی کونده قرض بیریش اوچون هېچ کیمنینگ اقتصادی احوالی یخشی اېمس.»
بغلانلیک ۲۸ یاشر فروهر، صناعتی بیر کارگاه مسئولی دیر ایشینی رواجلنتیریش اوچون هر آی درآمدیدن بیر مقدارینی ییغیشینی اېتهدی. اونگه کوره: «ییققن پولیمدن کارگاه رواجلنیشی و ترقیاتی اوچون صرفلهی من؛ کوپراق پولیمنی کارگاهنی رواجلنتیریش و عیاللر گه ایش فرصتینی یرهتیش بولیمیده صرفلهی من.»
بغلان یشاوچیسی ۲۳ یاشر قربانعلی، یخشی کېلهجک و غایهلریگه ایریشیش اوچون پول ییغیشینی معلوم قیلهدی. اونینگ کوپهیتیریشیچه: «عایلهم یوبارهدیگن پولدن بیر مقدارینی صرفلهی من و بیر مقدارینی ییغهمن؛ ییغهدیگن پول آز بولیشی ممکن؛ بیراق کېلهجکده اقتصادی قیینچیلیکّه دوچ بولمسلیگیم اوچون یاردم بیرهدی.»
بیزلرنینگ فیسبوک صحیفهمیزگه باش اورینگ!
کوپینچه یاشلر پول ییغیش گه قیزیقسهلرده؛ بیراق درآمدلری آزلیگی، ریجهسیزلیک و پول ییغیش گه عادت قیلمسلیک طفیلی بو ایشنی قیله آلمهیدیلر.
اوشبو گزارشده صحبت قیلگن ۲۷ یاش، درآمدلری آزلیگی و حیات خرهجتی یوقاریلیگی طفیلی پول ییغه آلمسلیکلرینی اېتگنلر.
بلخلیک ۳۳ یاشر مولودین نوری گه کوره، اوقیتووچیلیک حقوقی آزلیگی اوچون پول ییغه آلمهیدی. اونینگ کوپهیتیریشیچه: «معاش آزلیگی اوچون پول ییغه آلمهی من؛ آلهدیگن معاشیم حیات بویوملرینی تأمینلشده یېتمهیدی و ییغیش اۉز جاییده.»
شونینگدیک، بامیانلیک ۲۱ یاشر عبدالحکیم گه کوره: «پول ییغه آلمهی من، کوندهلیک تحصیل مصرفینی قیینلیک بیلن تأمینلهی من؛ طلبهلیک قیین و کوپ مصرف بولهدی.»
بیزلرنینگ «ایکس» ترماغی ده هم تعقیب قیلینگ!
برچهسی بیلن، پول ییغیش مهارتلرینی اورگهنیش و ریجه توزیش، افغانستان یشاوچیلری اۉرتهسیده پول ییغیش فرهنگی شکللنیشی گه یاردم بیریشی ممکن.
افغانستان مرکزی بانکی سۉزلاوچیسی حسیبالله نورینینگ ایتیشیچه، اولر پول ییغیش و مالی قرار قبول قیلیش خصوصیده یاشلرنی ترغیب قیلیش اوچون آگاهیلیک بیریش تورلی ریجهلرنی اۉتکزگنلر. اونگه کوره: «پول ییغیش حقیده یاشلر گه آگاهیلیک بیریش و اولرنی بانکی خذمتلردن فایدهلنیش گه ترغیب قیلهدی؛ افغانستان مرکزی بانکی خصوصی بانکلردن نظارت قیلیش بیلن اهالی اینیقسه یاشلر گه مالی خذمت کورسهتیش زمینهسینی یرهتهدی.»
باشقه تاماندن، اقتصاد وزیرلیگی سۉزلاوچیسی عبدالرحمان حبیبنینگ ایتیشیچه، پول ییغیش عایله اقتصادی یخشیلنیشی و خارجی منبعلر گه تیهنیشنی کمهیتیریش اوچون مهم دیر. اونینگ کوپهیتیریشیچه: «بیر جمعیتده پول ییغیش درجهسی یوقاریلیگی اقتصاد و ثبات گه ایریشیش اوچون یاردم بیرهدی؛ پول ییغیش نهفقط آدملر و عایلهلر، بلکه ملی اقتصاد نقط-نظریدن ایچکی طلبنی کوچلنتیرهدی و طلبلر کوپهیشی ینگی ایش زمینهلری یرهتیلیشی و ایش احوالی یخشیلنیشی گه سبب بولهدی.»
اقتصادی ایش بیلرمانلردن بیرقطارینینگ ایتیشلریچه، پول ییغیش سرمایه یاتقیزیش گه زمینه یرهتیب و یاشلرنی کېلهجکده اقتصادی قیینچیلیک بیلن دوچ بولمسلیگیگه یاردم بیرهدی.
اقتصادی ایش بیلرمان حنیف فرزان گه کوره، یاشلر پول ییغیش و مالی منبعلرنی باشقریش بیلن، کېلهجکده اقتصادی احواللرینی کفالت قیلیشلری ممکن. اونینگ کوپهیتیریشیچه: «پول ییغمسلیک اوزاق مدتده کوپینچه قیینچیلیکلر بیلن دوچ قیلهدی، بو معما اقتصادی ترقیات، اقتصادی ثبات خصوصیده سلبی تأثیر قیلیشی ممکن.»
پول ییغیش، دنیا مقیاسیده مهم مسئلهلردن سنلهدی؛ اقتصادی ترقیات و همکارلیک تشکیلاتی اۉز گزارشیده، بو تشکیلات گه اعضا مملکتلرنینگ طلبهلریدن ۱۸ فایزی دستلبکی مهارتلری بیلن مالی منبعلرنی قندهی باشقریش حقیده آگاهیلیکلری یوقلیگینی اېتگن. مذکور تشکیلات، یاشلرنی بیلیم و مالی منبعلرنی باشقریش حقیدهگی قرار قبول قیلیشلرده اۉزلرینی کوچلی قیلیش اوستیگه تأکید اېتگن.
