اداری فساد گه قرشی کوره‌ش کمیسیون باشلیغی عبدالقیوم نظامی، قویاش ۱۴۰۰- مالی ییل بیرینچی ۴ آیی نینگ گزارشی نی ارایه قیلیش نامی ده کابل ده یولگه قوییلگن ییغینده ایتیشیچه، ایش گه باشلنگندن بویان کمیده ۴۷ شکایت نی تیکشیرگن کیم بولردن ۱۶ ته‌سی باش قاره‌لاوچیلیککه یوباریلگن.
اونگه کوره، باش قاره‌لاوچیلیککه یوباریلگن ۱۶ دوسیه گه «آی‌اس‌بی‌ام» تحصیلی موسسه‌سی نینگ ۳ مینگ ساخته لسانس، ماسترلیک و دکترا حجتی هم شامل دیر.
اداری فساد گه قرشی کوره‌ش کمیسیون باشلیغی نینگ ایتیشیچه، مذکور تحصیلی موسسه‌دن ساخته حجت‌لر قولگه کیلتیرگن افغانستان یشاوچی‌لریدن قطاری یوقاری مرتبه‌لی حکومتی بست‌لرگه جذب بولگن.
اداری فساد گه قرشی کمیسیون باشلیغی نینگ ایتیشیچه، مذکور دوسیه بوتونلی تیکشیریلگونگه قدر تیکشیروودن قول تارتمه‌یدیلر. اونگه کوره، شونینگدیک مملکت خصوصی تحصیلی موسسه‌لردن قطاری هم خیالی طلبه‌لری بارلیگی عیبلاوی بیلن باش قاره‌لاوچیلیککه تانیشتیریلگن.
بوندن آلدین هم خصوصی بیلیم‌یورت‌لردن قطاری خیالی طلبه بارلیگی و پول بدلی ده تحصیلی حجت ترقه‌تیش خصوصیده عیبلنگن ایدی.
