سرپرست حکومت کانلر و پترولیم وزیرلیگی مسئوللری، بوگون (۲۳-دلو، سه‌شنبه) کابل‌ده اوتکزیلگن احتفال‌ده، قندهار ولایتی «دره‌نور» مرمر تاشی کانی‌نینگ قیدیرو، قازیب چیقریش و پروسس قیلیش شرطنامه‌سینی تورکی بیر شرکت بیلن امضاله‌دیلر.
کانلر و پترولیم وزیرلیگی سرپرستی هدایت‌الله بدری گه کوره، دره‌نور مرمر تاش کانی اوچ کیلومتر مربع مساحتی‌ده ۶.۲ میلیون دالر عوضی گه «امی اوغلو» تورکیه شرکتی بیلن ۳۰ ییل‌گچه امضالنگن.
بیزلرنینگ فیسبوک صحیفه‌میزگه باش اورینگ!
بدری جنابلری‌نینگ کوپه‌یتیریشیچه: «دره‌نور مرمر تاشی کانی‌نینگ قیدیرو، قازیب چیقریش و پروسس قیلیش شرطنامه‌سینی تورکی بیر شرکت بیلن امضاله‌دیک. بو شرکت خلق‌ارا معیارلر اساسیده ۶.۲ میلیون دالر عوضی گه سرمایه یاتقیزه‌دی.»
کانلر و پترولیم وزیرلیگی مسئوللری، اوشبو شرطنامه‌ده ساغلیق و تعلیمی مرکزلر قوریلیشی کبی اجتماعی امکانیت‌لر، نظرگه آلینگنینی اېته‌دیلر.
اوشبو کان‌نینگ قیدیرو، قازیب چیقریش و پروسس قیلیش مسئولیتینی تن آلگن «امی اوغلو» تورکی شرکت مسئوللری، بو کان قازیب چیقریلیشی بیلن یوزلب کیشی ایش بیلن تأمینلنیشینی معلوم قیله‌دیلر.
بیزلرنینگ «ایکس» ترماغی ده هم تعقیب قیلینگ!
«امی اوغلو» تورکی شرکت اورین باسری موسا امی اوغلو، بو شرکت قازیب چیقریش جریانیدن کېین، افغانستان مرمر تاشینی باشقه مملکتلرنینگ بازارلری گه تانیشتیریش وعده‌سینی بیرگن.
اونینگ کوپه‌یتیریشیچه: «بو شرکت قازیب چیقریش و مرمر تاشی و خام نفت‌نی پروسس قیلیش ساحه‌سیده دنیا بوییچه فعالیت قیلماقده. سکیز آی آلدین رسمی ایشلرینی باشله‌گن اېدی. تورت آی اول شاه‌ولی کوت تومنی‌ده ۱۰ کیشی یشه‌یدیگن کیچیک بیر ساحه‌نی قوردیک و بیز وعده بیره‌میز که قازیب چیقریش و پروسس قیلیش‌دن سۉنگ افغانستان مرمر تاشینی دنیا مقیاسیده تانیشتیره‌میز.»
بوندن آلدین، سرپرست حکومت کانلر و پترولیم وزیرلیگی مسئوللری آلتی میلیارد دالرلیک کتّه مقیاس‌ده بولگن ییتّی کان شرطنامه‌سینی چین، تورکیه، ایران و بریتانیا شرکت‌لری بیلن امضاله‌گنی اېتیله‌دی.
