اسلامی امارت کابینه‌سی قویاش جاری ییل سونگی اوچ آیی (جدی، دلو، حوت) اوچون ۵۳.۹ میلیارد افغانی بودجه نظرگه آلگن.
اسلامی امارت سوزلاوچیسی نینگ اورین‌باسرلریدن بیری انعام‌الله سمنگانی توییتر صحیفه‌سیده یازگن که، قویاش ۱۴۰۰- ییل سونگی اوچ آیی نینگ بودجه‌سی ۵۳.۹ میلیارد افغانی تصویب قیلینگن. اونینگ کوپه‌یتیریشیچه، بولردن ۴۹.۲ میلیارد افغانی‌سی عادی بودجه و ۴.۷ میلیارد افغانی‌سی ایسه رواجلنتیریش بودجه دیر.
سمنگانی نینگ کوپه‌یتیریشیچه، مذکور بودجه تصویب ایتیلیشی دن مقصد مالی ییل نینگ هجری شمسی ییل گه انتقال بیریش دیر. اسلامی امارت کابینه‌سی اوتگن کون مالی ییل باشله‌نیشی، بیرینچی جدی دن بیرینچی حمل گه اوزگرگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
اوشبو اوچ آیلیک بودجه بیرینچی حمل گچه تصویب بولگن و بیر ییل‌لیک بودجه حمل آیی ده تیار بولیشی ممکن.
بوندن آلدین اسلامی امارت مالیه وزیرلیگی اعلام قیلگن ایدی که، بیرینچی مرته مالی ییل بودجه‌سی تشقی یاردم‌لر بولمسدن ایچکی عایدلر اساسیده تیارلنگنیدن خبر بیرگن ایدی.
