اسلام امیرلیگی، حماس و اسرائیل‌نینگ غزه‌ده آتیش کېسین برقرار اېتیلیشی اوچون کېلیشگنلرینی خوش قرشی‌له‌گن.
اسلام امیرلیگی تشقی ایشلر وزیرلیگی سۉزلاوچیسی‌نینگ اورین باسری ضیااحمد تکل، بوگون (۲۷-جدی، پنج‌شنبه) ایکس صحیفه‌سیده بیر بیانیه ترقه‌تیب، اسرائیل و حماس غزه‌ده آتیش کېسین برقرار اېتیلیشی و گروگه آلینگنلر قوییب یوباریلیشی اوچون کېلیشگنلرینی، خوش قرشی‌له‌گنینی معلوم قیلگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی، حماس و اسرائیل اورته‌سیده آتیش کېسین برقرار اېتیلیشنی خوش قرشی‌لشگه قۉشیمچه، واسطه‌چی مملکتلر جمله‌دن قطر و مصردن منتدارچیلیک بیلدیرگن.
اسلام امیرلیگی، حماس و اسرائیل اورته‌سیده آتیش کېسین برقرار اېتیلیش کېلیشوونی «کتّه یوتوق» اته‌ب و بو کېلیشوونی حماس و فلسطین خلقی گه قوتلوغ بولسین دیگن.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی، حماس و اسرائیل اورته‌سیده آتیش کېسین عملی بولیشی و غزه خلقی گه انسان سیورلیک یاردملر یېتکزیب بیریلیشینی سوره‌گن.
تشقی ایشلر وزیرلیگی‌نینگ بیانیه‌سیده، یقین شرق‌ده دایمی صلح تأمین اېتیلیشی اوچون فلسطین مسئله‌سی قانونی یول بیلن حل اېتیلیب و فلسطین مستقل مملکت اوله‌راق تن آلینیشی گه تأکید اېتیلگن.
شونینگدیک، اسلام امیرلیگی اوتمیش کبی افغانستان خلقی نماینده‌لیگیدن فلسطین خلقی و مستقل دولتی شکللنیشی اوچون حمایتی گه دوام بیریشینی بیلدیرگن.
