افغانستان مدنی جماعه مجموعهسی یا-ده مجما، میلادی ۲۰۱۸- ییل ژنو کنفرانسیدن کیین، حکومت نینگ یوتوقلری توغریسیدهگی تیکشیرولری نینگ نتیجهسینی ترقهتگن.
اوشبو نهاد تامانیدن ترقهتیلگن تیکشیروگه کوره، خلق نینگ توشونچهسی حکومت ایشلری و فعالیتلری توغریسیده مثبت بولمهگن و اوشبو مسله حکومت بیلن خلق آرهسیدهگی فاصلهلرنی کوپهیشگه سبب بولگن.
اوشبو مجموعه باشلیغی عزیز رفیعی نینگ ایتیشیچه، اوشبو تیکشیرووده ۳۱ ولایت نینگ ۱۷۵۰ یشاوچیسی بیلن خوفسیزلیک، فساد، سیلاو، حکومت چیلیک، یاردملر تاثیری، انسان حقلری کمیسیونی و اقتصاد حقیده صحبت اوتکزیلگن، لیکن خلق نینگ ۹۳% حکومت نینگ ایشلریگه ایشانچی یوق.
جناب رفیعی گه کوره، حکومت میلادی ۲۰۱۸- ییل ژنو کنفرانسیده بیرگن سوزلرینی عمل گه آشیرمهگن و حکومت دقیق شکلده حساب بیرمهگنی و تاثیرلی پالیسی قولگه آلمهگنی باعث ایشلریده ناکام بولگن.
اوشبو نهاد نینگ تیکشیروی گه کوره، صحبت اوتکزیلگن کیشیلرنینگ ۹۴% طالبان نینگ حکومت گه قرشی اوروشی نینگ شرعی جوازی بولمهگنی و ۹۷% ایسه اولکهدهگی اوروشلر توختهتیلیشی و تینچلیک مذاکرهسی بیلن نتیجهگه ایریشیشلری اوستیده تاکید ایتگنلر.
عینحالده تیکشیروو اساسیده، سوزلشگن کیشیلر نینگ ۵۲% تینچلیک مذاکره سینینگ هیأتلری تامانیدن توافقی حکومت قراری آلینگن حالده، قبول قیلمسلیکلرینی بیلدیرگنلر، لیکن تیکشیروگه قتنشگن ۹۷ فایزی طالبانی حکومت گه قرشیلیک بیلدیرگنلر.
مجما عضوی حمدلله حقوقمل نینگ ایتیشیچه، طالبانی حکومتگه قرشی بولگن کیشیلر، طالبان نینگ اوروشیگه هم قرشی بولگنلر.
اوشبو تیکشیروگه کوره، سوزلشگن کیشیلر نینگ ۹۸% دولتی ادارهلرده فساد بولگنیدن خبر بیریشگن. سوزلشگن کیشیلر افغانستانده انسان حقلری ایاق آستی بولیشدن خواطر بیلدیریشگن. اوشبو تیکشیروگه کوره، طالبان گروهی ۸۷% انسان حقلرینی ایاق آستی قیلگن و داعش گروهی ایسه ۶۵% انسان حقلرینی ایاق آستی قیلگنلر.
