سلام‌وطندار یاشلر نینگ حیاتیده الگو تنلش رولینی تېکشیریش اوچون، مملکت ۲۶ ولایتیده سوراو اۉتکزگن و نتیجه‌سی اساسیده، کوپینچه یاشلر شخصی و اجتماعی ترقیات اوچون الگو تنله‌گنلر.
بو سوراوده ۱۵ یاشر دن ۳۵ یاشر بولگن ۶۴۷ یاش جمله‌دن ۳۷۹ ییگیت و ۲۷۷ قیز قتنشگن، اوشبو یاشلرنینگ ۸۴.۷ فایزی حیاتلریده الگولری بارلیگینی اېتگنلر. سوراو اساسیده، ۷۷.۹ فایز یاشلر الگولرینی اۉزلری تنله‌گن و ۵۴.۹ فایزی تانیقلی کیشیلرنی الگو صفتیده تنلشگن. بونگه قۉشیمچه، یاشلرنینگ ۵۰.۷ فایزی ترقیات و بیلیم معیارلری و ۴۶.۵ فایزی شخصیت و اخلاق‌نی الگولرینی تنلش‌ده مهم دیگنلر.
سوراو گه قتنشگن ۸۲.۱ فایز یاشلر، الگو تنلش حیاتلریده مثبت تأثیر قیلیب و اولردن الهام آلگنلرینی اېتگنلر. باشقه تاماندن اوشبو یاشلرنینگ ۰.۷ فایزی الگولری اولر گه سلبی تأثیر قیلیب و امیدسیزلیک تویغوسی تاپیلگنینی معلوم قیلیشگن.
سوراو گه قتنشگن ۲۸ یاشر تمنا، تیریکچیلیک ده الگو تنلشنی غایه‌لریگه ایریشیش وسیله دیه ایشانه‌دی. اونینگ ایتیشیچه، بیلیم معیاری اساسیده کتّه ایناغه‌سی‌نینگ حرکت و عادتینی الگو صفتیده تنله‌گن.
اونگه کوره: «کتّه ایناغه‌منی الگو صفتیده تنله‌گنمن چونکه اونینگ حرکتی و بیلیمی حیاتیمگه تأثیر قیلگن، اونینگ صادق‌لیک و مهربان‌لیگی حیاتیم‌نینگ مهم خصوصیت‌لریدن سنله‌دی و ترقیات و موفقیتیم اوچون اوندن الهام آلگنمن.»
بیزلرنینگ فیسبوک صحیفه‌میزگه باش اورینگ!
بو یاشلرنینگ ۶۲.۵ فایزی، یاشلر اوچون اخلاق، بیلیم و بحرانلرنی باشقریش و ۳۶.۴ فایزی موفقیت و ترقیاتنی الگو تنلش مهم عامللریدن عنوان قیلگنلر. عین‌حالده، سوراو گه قتنشگن ۵۴.۹ فایزی تانیقلی کیشیلر، ۲۸.۸ فایزی عایله اعضالری و ۱۰.۴ فایزی روحانیلرنی الگو صفتیده تنله‌گنلر.
احمد شجاع، موفق کیشیلر حقیده اوقیشنی الگو تنلش اوچون مهم دیب، الگو کیشی تامانیدن تنلنیب و آدملرنی اۉز غایه‌لری گه ایریشیش اوچون انگیزه بیریشی کېره‌ک دیېدی.
اونینگ ایتیشیچه: «جمعیتده تأثیرچن شخص بولیش اوچون اوقیش کېره‌ک، الگو بیلیم معیاری اساسیده بولیب و اېنگ یخشی معیار الگو تنلش دیر، حیات ده الگو بارلیگی تورلی تأثیری بار بیری آدملرنینگ گیچ‌لیکدن قوتقره‌دی و غایه گه ایریشیش اوچون انگیزه بیره‌دی.»
سوراو گه قتنشگن یاشلردن ذکی احمد گه کوره، الگو حیاتیده مثبت تأثیری بار. اونینگ ایشانچی گه کوره، الگو تنلشدن آلدین آدملر اۉزلری اوچون یول و هدف تعیین قیلیشی لازم.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «الگو صفتیده تنله‌یدیگن آدملر یخشی انسان بولیشلری کېره‌ک، جمعیت و مملکت اوچون فایده‌لی بولیب بیرینچیدن اۉزلرینی تانیشی درکار.»
بیراق اوشبو سوراو گه قتنشگن ۱۵.۳ فایز یاشلر، حیاتلریده هېچ قچان الگو تنلمه‌گنلرینی اېتگنلر.
۱۲-صنفدن فارغ بولگن بهار گه کوره، حیاتیده هېچ بیر کیشینی الگو صفتیده تنلمه‌گن. اونینگ کوپه‌یتیریشیچه، حیاتیده الگو تنلمه‌گنی اوچون سېزیلرلی موفقیت گه اېریشه آلمه‌گن.
اونینگ ایتیشیچه: «حیاتیمده هېچ قچان الگو تنله‌گنیم یوق و عایله‌ده هم الگو صفتیده تنلش اوچون هېچ کیم یوق، همه‌سی سوادسیز دیر. حیاتیمده الگو بولمسلیگی موفقیت گه ایریشه آلمه‌ی و اوقیشگه دوام بیره آلمسلیگیمگه سبب بولگن دیب اویله‌یمن.»
ویکتوریا، حیاتیده حاضرگه قدر الگوسی بولمه‌گنلردن بیری دیر، بیراق ایشلریگه موفق بولمه‌گنیدن سۉنگ، حیات‌ده الگو بولیشنی رویالر گه ایریشیش یگانه یول دیه ایشانه‌دی.
اونگه کوره: «حاضرگچه هېچ کیمنی الگو صفتیده تنله‌گنیم یوق، بیرینی تنله‌شیم کېره‌ک چونکه الگو تاپیش خصوصیده قرار آلگنیم یوق و ایشلریم رواجلنمه‌گن چونکه حیاتیمده هېچ کیمنی الگو صفتیده قبول قیلمه‌گن من.»
شو بیلن بیرگه، روان‌شناس سویتا حبیبی، یاشلر حیاتیده الگو بولیشنی ترقیات گه ایریشیش یوللردن اته‌ب، یخشی الگو تنلش آدملرنینگ انگیزه آلیشیگه سبب بولیشینی اېته‌دی.
آدملر، حیاتلریده‌گی غایه‌لریگه قره‌ب الگو تنلشلری کېره‌ک دیېدی، روان‌شناس سویتا حبیبی.
اونینگ ایتیشیچه: «الگو اۉزی بیر نمونه صفتیده تورلی ساحه‌لرده کوپینچه یاشلرنینگ ترقیاتیگه سبب بوله‌دی. الگو یاشلرنینگ یولینی یاریتیب و کوچلی آدیم کوتاریشی اوچون ایشانچلرینی آشیره‌دی.»
جمعیت‌شناس و بیلیم یورت استادی راشد صدیقی، جمعیت ترقیاتی اوچون الگو رولینی مهم دیېدی. اونینگ ایتیشیچه، الگو هم مثبت و هم منفی بولیشی ممکن. الگوسی بولمه‌گنلر کوچ و خلاقیتلرینی باشقه‌لر اوچون صرفلشینی اېته‌دی.
اونینگ ایتیشیچه: «الگو بیر جمعتیده مهم رولی بولیشی ممکن. مثبت جنبه‌لرنی رواجلنتیریب و جمعیت‌نی یخشی غایه تامان یېتکلشی ممکن و انسانی بیر جمعیتدن هېچ قنده‌ی قیینچیلیگی بولمه‌گن جمعیت توزیشی ممکن.»
یاشلرنینگ الگوسی بولیشی و افغانستانده یاشلرنینگ ظرفیتینی آشیریش گه دایر سرپرست حکومت معلومات و مدنیت وزیرلیگی‌نینگ فکر-ملاحظه‌سینی اورگه‌نیش اوچون سعی-حرکت قیلدیک؛ لېکن کیتمه-کیت قونغیراق بیلن جواب قیتیریش گه حاضر بولمه‌دی.
روان‌شناس‌لرنینگ ایشانچی گه کوره، اوسمیرلیک و ییگیت‌لیک پیتیده الگو تنلش مهم دیر؛ چونکه یاشلر گه یول-یوریغ کورسه‌تیش ده مستقیم تأثیری بار.
اولر، یخشی الگو بولیشینی جمعیت کېله‌جگی اوچون مهم بهالب و بوتوغریده عایله‌لر و حکومت‌نینگ رولی بولیشیگه تأکید اېته‌دیلر.
