افغانستان ژورنالیست‌لری ملی بیرلشمه‌سی تامانیدن یولگه قوییلگن تیکشیرووگه کوره، افغانستانده اسلامی امارت حاکم بولگنیدن سونگ، مملکتده فعالیت قیله‌دیگن میدیالردن ۷۰% فعالیت دن قالگن و یالغیز ۳۰% میدیالر قطار چیکلاولرنی نظرگه آلیش بیلن فعالیت‌لریگه دوام بیرماقده.
تیکشیرووگه کوره، مملکت ژورنالیست‌لریدن ۳۳% ایش‌گه مصروف‌لر و باشقه ۶۷% ایسه شغل‌لرینی قولدن بیرگن.
مذکور تیکشروو اساسیگه، عیال ژورنالیست‌لردن ۶۷٪ جاری وضعیتدن خواطر بیلدیرگن و اولر اسلامی امارت دولتیدن حقوق‌لریگه قول تاپیش‌لری اوچون رخصت بیریشی‌نی سوره‌گنلر.
عین‌حالده، ژورنالیست‌لر ملی بیرلشمه‌سی باشلیغی، اسلامی امارت دن رسانه‌لر و خبرچی‌لردن حمایت قیلیشی‌نی سوره‌گن.
ژورنالیست‌لر ملی بیرلشمه‌سی مسئولی نینگ ایتیشیچه، بو تیکشیرووده ۲۱ سپتامبردن باشلب ۳۰ سپتامبرگچه مملکت نینگ ۲۸ ولایتیده فعالیت قیله‌دیگن عیال و ایرکک خبرچی‌لردن آنلاین و حضوری شکلده صحبت اوتکزیلگن.
