اسرائیل حربی کوچلرینینگ غزه گه ینگی اویوشتیرگن هجوملری عاقبتیده، چمهسی ۶۰ فلسطینلیک هلاک بولیب و باشقه اونلب کیشی یرهلندی.
الجزیره یېتکرمهسی، ۵-میزان، شنبه کونی ترقهتگن گزارشیده، بو کیشیلر اوتگن کون اسرائیل تامانیدن اویوشتیریلگن هجوملرده هلاک بولگنینی معلوم قیلدی.
ساغلیقنی سقلش منبعلر گه کوره، اوشبو کیشیلرنینگ ۳۰ نفری اسرائیل اردوسی غزه شهرینی باسیب آلیش عملیاتلری جریانیده هلاک بولگن.
بیرلشگن ملتلر تشکیلاتی سۉزلاوچیسی استفان دوجاریکنینگ ایتیشیچه، اسرائیل اردوسی سۉنگی ۲۴ ساعت ایچیده «هر سکیز-توقیز دقیقهده بیر مرته هوا هجومی اویوشتیرگن»، اونگه کوره، بو تینچ اهالیگه ویرانکار عاقبتلر کېلتیرگن.
شونینگدیک، فلسطیندهگی ساغلیقنی سقلش منبعلر، غزه انسان سیورلیک مرکزلریده یاردم آلیش اوچون کوتیب تورگن پیتیده، ۱۳ کیشی اولدیریلگنینی تصدیقلهگنلر.
