جاپانده بوگونگی کونده ۵۰ مینگدن آرتیق کیشی ۱۰۰ یاشدن آشگن.
اوشبو مملکت رسمیلرینینگ معلوماتی گه کوره، کېلهسی اون ییل ایچیده مملکتده ۱۰۰ یاشدن آشیب یشاوچیلر سانی، بیر میلیون گه یقینلشیشی ممکن.
دنیا ده هلی هېچ بیر دولتده عمر دوامیلیگی و حیات صفتی جاپاندهگی کبی یوقاری کورستکیچلر گه ایریشه آلمهگن. کوپچیلیک جاپانلرنینگ اوزاق عمر کوریش سِری خام بلیق و دینگیز محصولاتلریدن عبارت طعامنامهسی بیلن باغلیق دیب حسابلهیدی. بیراق شوندهی اقلیم و آوقتلنیش طرزیگه ایگه بولگن باشقه مملکتلرده عمر دوامیلیگی اونچهلیک اوزاق اېمس.
رسمیلرنینگ فکریچه، جاپانلرنینگ حقیقی «اوزاق عمر کوریش فورمولی» اولرنینگ تورموش طرزی و جمعیتدهگی مناسبتلرده باریب تقیلهدی. جاپانلر هر دایم صحبتداشینینگ کیفیتینی بوزمسلیکه، ملاقاتده ایلیق سقلش گه اینتیلیشهدی. عینن شو اجتماعی محیط آدملرنینگ حیاتدن ممنون بولیب ساغلام و اوزاق عمر کوریشلریگه کتته حصه قوشماقده.
