افغانستان‌ده کوپینچه عیاللر یشه‌یدی که اولردن، بیر وقت ایچیده اوی و ایش مسئولیتینی اۉز زمه‌لریگه آلیش‌لری کوتیلماقده. سلام‌وطندار مملکت‌نینگ تورلی ولایت‌لریده ۳۰ عیال بیلن صحبت قیلگن که اولر بیر وقت ایچیده ایکّی مسئولیت (اوی و رسمی ایش) نی اۉز زمه‌لریگه آلگن. اوشبو عیاللر بیر وقت ایچیده ایکّی مسئولیت‌نی تن آلیش باعث باله‌لرنی اسره‌ش اوچون مناسب جای یوق‌لیگی، اۉز ظرفیت‌لرینی آشیریش اوچون امکانیت یوق‌لیگی و اولر گه یخشی معاش بیریلمسلیک کبی تورلی قیینچلیک‌لر بیلن روپه‌ره‌لیک‌لرینی اېتگنلر.
برچه‌سی بیلن، مذکور عیاللرنینگ کوپینچه‌سی نه‌فقط توسیق‌لر برابریده توختمه‌گن؛ بلکه یخشی مدیریت و تقسیم آوقات بیلن ایکیله ساحه‌ده موفق بولگنلرینی معلوم قیله‌دیلر.
وظیفه‌سی بولگن و هر کونی ۴ دن ۷ ساعت‌گچه مصروف بغلان‌لیک ۲۹ یاشر ثروت و بلخ‌لیک ۲۵ یاشر نزاکت‌نینگ ایتیشلریچه، ایکّی مسئولیت‌نینگ قیینچلیک‌لری گه قره‌مسدن، مناسب تقسیم آوقات‌لری بیلن رسمی وظیفه و اوی ایشلرینی باشقریش گه اولگورگنلر.
ثروت‌نینگ کوپه‌یتیریشیچه: «هم اوی ایشلری و هم رسمی ایشنی باشقریش گه اورگنیب قالگن من، خورسندلیک بیلن وقت‌نی مدیریت قیله آله‌من و یخشی‌لیک بیلن اوی ایشلرینی هم بجره‌من.»
نزاکت گه کوره: «اوی و وظیفه مسئولیتینی باشقریش قیین دیر؛ بیراق بو موضوع‌نی بیز اوچون قیین قیله‌دیگن درجه گه قدر اېمس؛ چونکه بوگونلیک قیله‌دیگن هر ایشیمیز، پلان و برنامه‌ریزلیک اساسیده دیر.»
بیزلرنینگ فیسبوک صحیفه‌میزگه باش اورینگ!
کابل یشاوچیسی ۲۸ یاشر سودابه، اوشبو گزارش‌ده صحبت قیلگنلردن بیری بولیب و ایکّی باله آنه‌سی دیر ایتیشیچه، ایش جایی‌ده باله‌سینی قره‌ش امکانیتی یوق‌لیگی حیاتی‌نینگ کتّه قیینچیلیک‌لریدن دیر و هر کونی اوزاق‌ده بولگن کودکستان گه باله‌سینی آلیب باریب و کېین اېسه ایشیگه باریش گه مجبور دیر. او ایش جایی‌ده باله‌لرنی قره‌ش اوچون مناسب جای بولیشینی مهم دیب ایتیشیچه، باله‌لر اوچون جای یوق‌لیگی وظیفه‌سی بولگن عیاللرنی کوپینچه قیینیچلیک بیلن روپه‌ره قیله‌دی.
سودابه‌نینگ کوپه‌یتیریشیچه: «ایش جایی‌ده کودکستان یوق‌لیگی باعث کوپ قیینچیلیک بیلن دوچ من و بالم‌نی وظیفه و اوی‌دن اوزاق‌ده بولگن کودکستان گه آلیب باریش گه مجبور من کودکستان و وظیفه وقتی فرق قیله‌دی شونی اوچون قیینچیلیک بیلن دوچ من، بیر وقت ایچیده ایکیله‌سینی باشقریش قیین دیر.»
شونینگدیک، اوی ایشلری بوینیگه بولیب و اوقیتووچی بولگن کابل‌لیک ۳۰ یاشر نازیلا گه کوره، اوی و وظیفه ایشلری کوپ بولسه‌ده؛ بیراق درآمدی آز دیر. بیر وقت ایچیده اوی و وظیفه‌نی باشقریش اوچون هر کونی کمراق دم آلیشینی معلوم قیله‌دی.
اونینگ کوپه‌یتیریشیچه: «اېنگ اساسی قیینچیلیک شو که آز معاش بیلن کوپ ایشله‌ی من؛ مسئولیتیم کوپ دیر. تورموش اورتاق بولیشیم، آنه بولیشیم، معلیم بولیشیم گه قره‌مسدن باشقه مسئولیت‌لریم کوپ دیر همه‌سینی بجریشیم کېره‌ک.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، اوشبو عیاللر بیلن سلام‌وطندارنینگ اوتکزگن صحبتی اساسیده، عیاللر گه یره‌تیلگن چېکلاولر، مملکت‌ده وظیفه‌سی بولگن عیاللر اوچون ستندرد کودکستان یوق‌لیگی، معاش آزلیگی، جامعه و عایله‌ده‌گی حاکم عنعنه‌لر، اولرنینگ اۉز ظرفیت‌لرینی آشیره آلمسلیکّه سبب بولگن موردلردن عبارت دیر.
کابل یشاوچیلریدن ۲۵ یاشر خاطره و ۲۹ یاشر زینب، انچه ییل‌دن بیری اوی و رسمی وظیفه مسئولیت‌لرینی بیر وقت ایچیده بجریب کېلماقده‌لیک‌لرینی اېته‌دیلر.
خاطره‌نینگ ایتیشیچه: «قیینچلیک کوپ دیر؛ چونکه اوی و وظیفه ایشلری کوپ دیر، کمچیلیک تاپیلیشی طبیعی دیر. یره‌تیلگن چېکلاولر جامعه‌ده قیینچیلیکّه سبب بولگن. بیلیم ظرفیت‌لرینی آشیریشنی اېسته‌سم، افسوس بیلن امکانیت یوق دیر.»
زینب‌نینگ کوپه‌یتیریشیچه: «ایشلرنی برنامه‌ریزلیک قیلیش گه اورینه‌من؛ بیراق کوپینچه وقت‌لر ایش باسیمی طفیلی بیر وقت ایچیده ایکّی ایشنی بجیریش قیین بوله‌دی. ایش و وظیفه ایشلری قالمسلیگی اوچون انده-سنده شخصی فعالیت‌لریمدن واز کیچیش گه مجبور بوله‌من.»
شو بیلن بیرگه، عیال حقوقی فعالی تهمینه منگل گه کوره، عیاللرنینگ وظیفه‌سی عایله و جامعه اقتصادی اوستیگه تأثیری بولیشی ممکن. او عایله و جامعه قۉللب-قوتلنیشی کېره‌ک دیب، عیاللر برابریده‌گی قیینچیلیک‌لر کمه‌یشی و اولر گه کوپراق امکانیت بیریلیشی گه تأکید اېته‌دی.
اونینگ کوپه‌یتیریشیچه: «تشقری‌ده ایشله‌یدیگن عیاللر، اوی ایشلری، اۉز عایله‌سی‌نینگ اقتصادی گه فعال حصه قوشیشی ممکن. بو عیاللر عایله و جامعه تامانیدن قۉللب-قوتلنیشی درکار؛ عایله‌لرنینگ درکی یوقاری بولیب و اولردن حمایت و ترغیب قیلیش‌لری کېره‌ک.»
باشقه تاماندن، اقتصادی ایش بیلرمانلرنینگ ایتیشلریچه، جامعه‌ده عیاللر حضوری اقتصاد ترقیاتی و عایله‌لر قۉللب-قوتلنیشی گه سبب بولیشی ممکن. اولرنینگ ایشانچی گه کوره، وظیفه‌دار عیاللر نه‌فقط عایله‌لری‌نینگ اقتصادی یخشی‌لنیشی گه یاردم بیره‌دی؛ بلکه مملکت ترقیاتی گه باعث بوله‌دی.
اقتصادی ایش بیلرمان عبدالنصیر رشتیانینگ ایتیشیچه: «جامعه‌ده عیاللرنینگ حضوری اقتصاد یخشی‌لنیشی و عایله‌لر قۉللب-قوتلنیشی اوچون مهم دیر. وظیفه‌سی بولگن عیاللر عایله‌لرینی حمایت قیلیب و مملکت ترقیاتی‌ده فعال حصه قوشیش‌لری ممکن.»
برچه‌سی بیلن، سرپرست حکومت ایش و اجتماعی ایشلر وزیرلیگی سۉزلاوچیسی سمیع‌الله ابراهیمی، عیاللرنینگ ایشی گه قولی‌لیک یره‌تیش اوچون بعضی امکانیت‌لر نظرگه آلینگنیدن ایشانچ بیره‌دی. اونگه کوره، بعضی ایش جایی‌لریده کودکستان بار و عیاللر خاطر جمع‌لیک بیلن ایشلب و نیاز بولگن رخصتی‌لریدن فایده‌لنیش‌لری ممکن.
اونینگ کوپه‌یتیریشیچه: «عیاللر اوچون خذمت کورسه‌تیب کېله‌یاتگن بولیم‌لرده ییترلیچه قولی‌لیک یره‌تیلگن و اره‌لش تیزیم یوق اېتیلیشی اوچون سعی-حرکت قیلینماقده. بعضی جای‌لر اینیقسه کسلخانه‌لرده عیاللرنینگ باله‌لری اوچون کودکستان بار و رخصتی گه نیازلری بولسه بیریله‌دی.»
عیاللر تورلی قیینچیلیک‌لر گه قره‌مسدن، جامعه و اقتصاد یخشی‌لنیشی اوچون فعال روللری بولیش گه سعی-حرکت قیلیب کېلماقده‌لر. تېنگ فرصت‌لر یره‌تیش، عایله و جامعه تامانیدن قۉللب-قوتلنیش، قولی‌لیک یره‌تیش کبی ساحه‌لرده اولر گه فرصت بیریلیشی کېره‌ک.
