قندوز دن آتی فاش ایتیلیشی نی ایستمه‌گن ایشانچلی امنیتی بیر منبع نینگ سلام‌وطندارگه ایتیشیچه، اوتگن کیچه (چهارشنبه ۱۳- حوت) کیچ قورون کوماندو کوچلری قندوز شهری نینگ تلوکه قیشلاغی گه تیگیشلی «بوز کندهاری» منطقه‌سیده بیر عملیات یولگه قویگنلر.
منبع گه کوره، عملیات و تازه‌لش عملیات جریانیده طالبان مذکور کوچلرنی اوستیگه توپ آتگن کیم نتیجه‌ده، کوماندو کوچلریدن ۳ ته‌سی هلاک و باشقه ۹ ته‌سی ایسه یره‌لنگن.
منبع نیینگ کوپه‌یتیریشیچه، شونینگدیک عملیات جریاینده طالبان گروهی گه هم تلفات ییتیشگن.
۲۱۷ پامیر قول اردوسی و قندوز محلی مسئوللری بو توغریده آرتیق تفصیلات بیرمه‌گن.
طالبان سوزلاوچی‌لریدن بیری ذبیح‌الله مجاهد توییتر صحیفه‌سیده یازیشیچه، قندوز شهری نینگ تلوکه قیشلاغیده امنیتی کوچلردن ۱۷ ته‌سی هلاک ایتیلگن.