عامه ساغلیق وزیرلیگی اعلام قیلگن که، بوگون (دوشنبه، ۲۸-قوس) مملکت نینگ جنوب غربی، جنوب شرقی و شرقی حوزه‌لریده‌گی ولایتلرده پولیو گه قرشی ایملش کمپاینی باشلنگن و شونینگدیک اوشبو کمپاین تورت کونگچه دوام تاپه‌دی.
عامه ساغلیق وزیرلیگی سوزلاوچیسی شرافت زمان نینگ ایتیشیچه، مذکور پروسه‌ده، ۷ میلیون‌دن آرتیق باله نینگ پولیو گه قرشی ایملنیشی ممکن.
جناب زمان نینگ کوپه‌یتیرشیچه: «پولیو گه قرشی ایملش کمپاینی مملکت نینگ جنوب غربی، جنوب شرقی و شرقی حوزه‌لریده باشلنیب و پنج‌شنبه کونی‌گچه دوام تاپه‌دی.»
بیزلرنینگ توییترده هم تعقیب قیلینگ!
بیراق بیرلشگن ملت‌لر تشکیلاتی نینگ باله‌‌لردن حمایت قیلووچی صندیغی سوزلاوچیسی کمال شاه، مملکت نینگ شرقی حوزه‌سیده مذکور پروسیه نینگ تطبیق بولیش مدتی نی، عامه ساغلیق وزیرلیگی‌دن فرق‌لی بیان قیلگن.
بیرلشگن ملت‌لر تشکیلاتی نینگ باله‌‌لردن حمایت قیلووچی صندیغی سوزلاوچیسی کمال شاه نینگ کوپه‌یتیریشیچه :«شرقی حوزه‌ده ننگرهار، کنر، لغمان و نوستان ولایت‌لریده، بیر هفته‌دن کیین باشلنه‌دی. چونکه اوشبو ولایتلرده پولیو گه قرشی ایملش پروسه‌سی تطبیق بولگن ایدی.»
داکتلردن قطاری اوشبو فلج‌لیک کسل‌لیگی نینگ ساری دیب و اونی افلاس‌لنگن ییمک و سوو نی ایچیش و جاری سوولرده یوزیش سبب انتقال قیلیشی نی بیان قیلگن.
انتانی کسل‌خانه‌ده‌گی داکترلردن بیری محمدصادق نعیمی، عایله‌لردن باله‌لری نینگ فلج‌لیک کسل‌لیگی گه چلینمه‌یشی اوچون پولیو گه قرشی ایملنیش‌لری نی ایسته‌گن.
بیزلرنینگ فیسبوک صحیفه‌میزگه باش اورینگ!
شونینگدیک دین عالم‌لری هم عایله‌لردن باله‌لری نینگ پولیو گه قرشی ایملب و اوشبو کسل‌لیک برابریده باله‌لریدن محافظت قیلش‌لری نی ایسته‌گنلر.
دین عالم‌لردن بیری عبدالله احسانی نینگ ایتیشیچه: «عایله‌لردن ساغلیق و نظافت‌لری گه کوپ‌راق توجه قیلیب و باله‌لر نی فلج‌لیک‌دن توسیق بولیش‌لری نی ایسته‌یمن. پولیو گه قرشی ایملش جوده‌یم اونم‌لی دیر. اونینگ تطبیق بولیشی شریعت بیلن مخالفتی یوق.»
ایتیش کیره‌ک که، افغانستان و پاکستان حاضرگچه باله‌لر فلج‌لیگی کسل‌لیگی‌دن کامل شکلده قوتقریلمه‌گن دنیا‌ده‌گی یالغیر ایکی مملکت دیر.