اسلام امیرلیگی سودا و صناعت وزیرلیگینینگ ایتیشیچه، قوشنی ایکی مملکتدن قیتگن صناعتچیلر و سوداگرلردن قطاری افغانستان ده ۲۶ میلیون دالر ارزشیگه سرمایه یاتقیزهدیلر.
اوشبو وزیرلیک، بوگون (۱۵-جدی، دوشنبه)، اکس صحیفهسیده بیر بیانیه آرقهلی یازیشیچه، ایران و پاکستان دن قیتگن ییتی صناعتچی و سوداگرگه، ایش حجتلری تیکشیریلگنیدن کیین سرمایه یاتقیزیشگه رخصت بیریلگن.
سودا و صناعت وزیرلیگینینگ کوپهیتیریشیچه، اوشبو صناعتچیلر و سوداگرلر، «مبلائیل»، «گریس»، «انتیفریز» ایشلب چیقریلیشی و پاکتلنیشی، صنعی چمن، صنعی گل، آزیق-آوقت مادهلری، پلاستیکنینگ خام مادهلری ایشلب چیقریلیشی، پلاستیکی سبد ایشلب چیقریلهدیگن ایشخانه آچیلیشی و ساووقخانهلر بولیملریده سرمایه یاتقیزیشلری ممکن.
اسلام امیرلیگی قیته قدرت گه ایریشگنیدن کیین، نیچه مرته ایچکی و تشقی سوداگرلردن، افغانستان ده تورلی بولیملرده سرمایه یاتقیزیشلرینی ایستهگن.
