ایراننینگ شیراز، اصفهان، کرمانشاه و تبریز شهرلری، اسرائیل تامانیدن نشانگه آلینگن. بوندن اولراق ایران یېتکرمهلری، اسرائیل شرقی آذربایجان ولایتی مرکزی تبریز شهریده هوا قونالغهسینی نشانگه آلگنیدن خبر بیرگن اېدیلر. اوشبو هجوملرنینگ احتمالی تلفاتی و زیانلری حقیده حاضرگچه هېچ نرسه دیېلمهگن.
ایران یېتکرمهلری، اسرائیل شرقی آذربایجان ولایتی مرکزی تبریز شهریده هوا قونالغهسینی نشانگه آلگنیدن خبر بیرگنلر. تسنیم آژانسی گه کوره، بوگون (۲۳-جوزا، جمعه) محلی وقت بیلن ۱۲:۳۰ ده، تبریز نیچه حدودی ېنه بیر مرته اسرائیل تامانیدن نشانگه آلینگنینی اېتگن.
افغانستان اسلام امیرلیگی، اسرائیلنینگ ایران گه هجوملرینی قارهلب و اونی خلقارا قاعدهلرنی بوزیش اتهگن. اسلام امیرلیگی سۉزلاوچیسی ذبیحالله مجاهد، بوگون (۲۳-جوزا، جمعه) بیر بیانیه ترقهتیب، اوشبو هجوملر عاقبتیده ایران حربی قوماندانلری و دانشمندلری هلاک بولیشینی ایران (ملی حاکمیتینی بوزیش) اتهگن.
افغانستان ۲۰ یاشنی تولدیرمهگن فوتبال ملی تیرمه جماعهسی، کافا تورنمنتی ایککینچی اویینیده قرغیزستان برابریده مغلوب بولدی.
اسلام امیرلیگی تشقی ایشلر وزیرلیگی، هندوستان احمدآباد هوا قونالغهسی یقینیده یولاوچی تاشووچی اوچاق قولب توشگنی گه مناسبت بیلدیریب، بو واقعه طفیلی «چقور» قیغولینگنینی معلوم قیلگن. تشقی ایشلر وزیرلیگی سۉزلاوچیسی عبدالقهار بلخی، ۲۲-جوزا، پنجشنبه کونی کیچ قورون ایکس صحیفهسیده بیر بیانیه ترقهتیب، واقعه قربانلری و هندوستان دولتی گه قیغوداشلیک و همدردلیک بیلدیرگن.
اسرائیل اردوسی سۉزلاوچیسی، ایران اوشبو مملکت گه ۱۰۰ دن آرتیق اوچووچیسیز اوچاق بیلن هجوم قیلگنینی اېتگن. «تایمز اسرائیل» یېتکرمهسی، بوگون (۲۳-جوزا، جمعه) اوشبو مملکت اردوسیدن نقل قیلیب یازیشیچه، اسرائیل حربی کوچلری اوشبو اوچووچیسیز اوچاقلرنی یوق قیلیش گه سعی-حرکت قیلماقدهلر.
معلوماتلر گه کوره، اسرائیل بوگون (۲۳-جوزا، جمعه) ایرتهلب ایراننینگ تورلی حدودلری جملهدن تهران گه هوا آرقهلی هجوم اویوشتیرگن. یېتکرمهلرنینگ معلوماتی اساسیده، بو هجوملرده ایران سپاه پاسداران باش قوماندانی حسین سلامی، ایران اتمی انرژی تشکیلاتی سابق قوماندانی فریدون عباسی و آزاد بیلیم یورتی باشلیغی مهدی ترانچی هلام بولگنلر.
ایران سپاه پاسداران، اوشبو کوچلر باش قوماندانی حسین سلامی، اسرائیلنینگ هوا هجوملری عاقبتیده هلاک بولگنینی تصدیقلهگن.
