عدالت! عدالت! طلبه‌لر حقی گه جفا، ملت گه جفا و اولکه گه جفا» بو، نابیللی تقدیر‌ده حیات کیچیره یاتگن، وقت و پوللری نینگ بیهوده ضایع بولگن اسلامی بیلیم یورت طلبه‌لری نینگ عدالت خواه‌لیک شعارلریدن بیری دیر.
مملکت نینگ تورلی ولایت‌لریدن کیلگن یاش‌لردن قطاری، بوگون کابل‌ده «اوز ارا مناسبت‌لرنی کوچه‌یتیریش ملی کنفرانسی» عنوانیده ییغین اوتکزدیلر. اوشبو ییغینده اشتراک ایتگن‌لر نینگ ایتیشلریچه، افغانستان نیچه قوم‌لیک بولگنی باعث اوز ارا مناسبت‌لر لحاظ‌دن زیان کوریب و اوز ارا مناسبت‌لرنی کوچه‌یتیریش اوچون برچه تامانلمه اقدام بولیشی کیره‌ک.
هلمند ولایتیده «سیلاب» انسان پرورلیک خیریه مسئول‌لری نینگ ایتیشلریچه، اوشبو ولایت نینگ مرکزی لشکرگاه شهری‌ده بوگون ۱۱۰ قیز و اوغیل نینگ گروهی اویله‌نیش مراسمینی اوتکزدیلر. «سیلاب» انسان پرورلیک نهاد باشلیغی گه کوره، اوشبو توی مراسمی‌ده ۱۰ مینگ کیشینی چقیرگنلر و اوشبو توی‌دن مقصد، ناقولی رسم-رواج‌لر و آغیر خرجت‌لرنی آلدینی آلیش دیر.
هلمند ولایتیده عیال خبرچیلردن قطاری نینگ ایتیشلریچه، اسلامی امارت قدرت گه ایریشگنیدن کیین، ایشلری نی ترک قیلیب یا-ده قولدن بیرگنلر.
هلمند خبرچیلریدن بیری سمینه افغان، ۶ ییل‌دن بیری مذکور ولایت نینگ محلی رسانه‌لریده ایش قیله‌ر ایکن، اونینگ ایتیشیچه، سابق دولت نینگ سقوط قیلگنیدن کیین، ایشی گه کیتمه‌گن.
پاکستان تشقی ایشلر وزیری شاه‌محمود قریشی، بوگون بیرلشگن ملت‌لر تشکیلاتی نینگ بشر حقوقی عالی کمیشنری میشل باشله بیلن اوچره‌شب ملاقات قیلگن.
فاریاب ده‌گی بیر آته ۱۰ یاشر قیزینی اوشبو ولایت نینگ مرکزی میمنه شهری‌ده ۲۰۰ مینگ افغانی عوضی گه ساتیش قویگن. مذکور شخص بوگون قیز و ایکی اوغلی بیلن میمنه شهری گه کیلیب و قیزینی ساتیش اوچون خریدار قیدیرماقده.
هینگ یا انغوزه طبی اوسیملیک وحشی روشده اوسیب و افغانستان نینگ اقلیمی شرایطی بیلن ماس دیر. سو گه احتیاجی آز بولگن اوشبو اوسیملیک، افغانستان نینگ اکثر ولایت‌لریده ایکیله‌دی و قیمت‌لیگی باعث، نیچه ییل‌دن بویان کوکنار اورنیده یخشی بدیل اوله‌راق تانیلگن. اوشبو اوسیملیک‌نی ایکیش گه یوز کیلتیرگن دهقان‌لر، اوشبو ولایت محلی مسئول‌لریدن «هینگ» اوسیملیگینی رواجلنتیریش مقصدیده اولر بیلن همکار بولیش‌لرینی طلب قیله‌دیلر.
آق سرای نینگ آگاه‌لنتیریشیچه، روسیه اوکراین‌ده شیمیاوی یا-ده بیولوژیکی قوراللردن قوللنیش‌نی ریجه لنتیره یاتگنلیگی ممکن. آق سرای سوزلاوچیسی جن ساکی توییتر صحیفه‌سیده یازیشیچه، اوکراین‌ده آمریکا نینگ بیولوژیکی قوراللر آزمایش‌گاه‌لری نی ایشلب چیقاریش حقیده روسیه ادعاسی، ناتوغری دیر.
سعودی عربستان و بیرلشگن عرب امیرلیگی رهبرلری، سونگی هفته‌لرده آمریکا جمهور باشلیغی جوبایدن بیلن علاقه قوریشدن باش تارتگن‌لر؛ چونکه آمریکا و متحدلری روسیه نینگ اوکراین گه باستیریب کیریشی باعث نفت نرخینی پس توشیریش نیتیده دیر.
آمریکا بیرلشمه ایالتی نینگ تشقی ایشلر وزیری آنتونی بلینکن، اوتگن کون اوزبیکستان تشقی ایشلر وزیری عبدالعزیز کاملوف بیلن واشنگتن‌ده اوچره‌شگنلر. آمریکا بیرلشمه ایالتی تشقی ایشلر وزیرلیگی نینگ اعلام قیلیشیچه، مذکور اوچره‌شووده، ایکی تامان افغانستان و اوکراین وضعیتی حقیده صحبت قیلگنلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
