اوزبیکستان ییتکرمهلریگه کوره، اوشبو مملکت سمرقند شهریده بیر کیشینینگ قارنیدن ۲۰۰ گرام «میخ» چیققن.
معلوماتلر گه کوره، اوزبیکستانده طبیات ساحهسیده کم اوچرهیدیگن و آدمنی لرزه گه سالهدیگن حالت قید ایتیلگن. ۲۹ یاشر فقرانینگ قارین بوشلیغیدن جمعی ۲۰۰ گرام گه یقین میخ آلیب تشلنگن.
معلوم قیلینیشیچه، اوشبو کیشی قارین ساحهسیدهگی کوچلی آغریق بیلن کسلخانه گه آلیب باریلگن. شاشیلینچ قبول بولیمیده اوتکزیلگن تیکشیرولر نتیجهسیده اونینگ معده-ایچک تیزیمیده کتته مقدارده یات جسملر بارلیگی انیقلنگن.
شفاکارلر کسلنی وقتیده قوتقریب قالیش مقصدیده، شاشیلینچ جراحلیک عملیاتیگه کیریشگن. اوتکزیلگن عملیات دوامیده قارین بوشلیغیدن میخلر همده باشقه یات جسملر چیقریب آلینگن.
معلوماتلر اساسیده، کسلنینگ احوالی قانیقرلی ایکنی ایتیلگن. او شفاکارلر نظارتی آستیده دوالنیشده دوام ایتماقده.
اوزبیکستان طبیات موسسهسی معلوماتلریگه کوره، ایرکک قتیق استرس حالتیده بولیب، اوز خطی-حرکتلرینی نظارت قیله آلمهگنی سبب اوشبو بویوملرنی یوتیب یوبارگن بولیشی ممکن. متخصصلر ایسه بوندهی حالتلر روحی باسیم و آغیر روانشناسلیک حالت عاقبتیده یوزه گه کیلیشی ممکنلیگینی ایسلهتیب، استرس بیلگیلری حقیده بیفرق بولمسلیک کیرهک دیگنلر.
