ملی خوفسیزلیک عمومی ریاستی نینگ ایتیشیچه، غور ولایتی کینگش عضوی عزت‌الله بیک اوشبو ولایت مرکزیده ملی خوسیزلیک خاص کوچلر بیلن صورت تاپگن آتیشمه‌ده هلاک ایتیلگن.
بوگون “پنجشنبه” عصر چاغیده اوشبو نهاد نینگ بیر خبرنامه آرقه‌لی اعلان قیلیشیچه، ملی خوفسیزلیک خاص کوچلری غور ولایتی کینگش اورین باسری عبدالرحمان عطشان و صدای غور رادیوسی مدیر مسوولی بسم‌الله عادل ایماق نینگ تروری عاملی عزت‌الله بیک نی قولگه آلیش نی ایسته‌گن، لیکن جناب بیک تسلیم بولمه‌ی و ملی خوفسیزلیک کوچلریگه قرشی اوق آتگن و نتیجه ده هلاک ایتیلگن.
ملی خوفسیزلیک عمومی ریاستی بوتوغریده جزییات بیرمه‌گن.
بیراق، بوندن آلدین غور پولیس قومندانلیگی سرپرستی نیک‌محمد نیکزاد، فیروزکوه شهری نینگ فامیلی‌ها منطقه‌سیده امنیتی کوچلر و جناب بیک نینگ قوروقچی‌لری آره‌سیده یوز بیرگن آتیشمه یوز بیرگنی نی بیلدیریب و یریم ساعت آتیشمه‌دن سونگ، جناب بیک قولگه آلینگنیدن خبر بیرگن ایدی.
عین زمانده، غور کسلخانه‌سی سرپرستی محمدنصیر پارسا، مذکور آتیشمه‌ده ملی خوسیزلیک خاص کوچلریدن بیر ته‌سی هلاک و باشقه بیرته‌سی یره‌لنیب کسلخانه‌گه انتقال بیریلگنی‌نی بیلدیرگن ایدی.
