ساغلیق‌نی سقلش وزیرلیگی ایشلاوچی‌لریدن ۳ ته‌سی ۸۰ مینگ دالر رشوه آلیش عیب بیلن قماق جزاسیگه محکوم بولگن.
بوگون “دوشنبه” مملکت باش قاره‌لاوچیلیک اداره‌سی نینگ بیر خبرنامه آرقه‌لی اعلان قیلیشیچه، مرکزی انبار آمرلیگی سرپرستی غلام‌سخی نظر ۵ ییل و مرکزی انبار گزارش ییتیشتیریش مدیری غلام‌مصطفی ۵ ییل قماق جزاسیگه محکوم بولگن.
اوشبو خبرنامه‌ده ایتیلیشیچه، مرکزی انبار آمرلیگی نینگ فنی معتمدی احمدفواد ۳ ییل قماققه جزالنتیریلگن. اوشبو حکم اداری فسادنی تیکشیریش عدلی و قضایی استیناف محکمه‌سی نینگ علنی ییغینیده آلینگن.
خبرنامه‌ده کوپه‌یتیریلیشیچه، ساغلیق‌نی سقلش وزیرلیگی نینگ مرکزی انبارینی تشریح هیاتی عضوی اجمل عسکرزاده، معاینه مدیری محمود نوابی و معاینه هیاتی فضل‌شاه قریشی استیناف محکمه‌سی تامانیدن گناه‌سیز تانیلگن.
ساغلیق‌نی سقلش وزیرلیگی نینگ مرکزی انباری معتمدی جاری ییل ۳ سرطان ده ۸۰ مینگ دالر رشوه آلیش عیبی بیلن باش قاره‌لاوچیلیک اداره‌سی تامانیدن قولگه آلینگن ایدی.
