انسان حقوقی ایرکین کمیسیونی، عیاللرنینگ تینچلیک جریانیده شریک ایتیلیشی اوچون زمینه یره‌تیلیشی‌نی ایسته‌ب ایتیشیچه، عیاللر حضوری بولمه‌گن صورتده، تینچلیک‌که قول تاپیش ناممکن دیر.
انسان حقوقی ایرکین کمیسیونی باشلیغی شهرزاد اکبرنینگ خلق ارا عیاللر ایامیدن نشانلش اوچون یولگه قوییلگن مراسمده ایتیشیچه، عیاللرنی افغانستان تینچلیک جریانیده دخیل بولیشی اساسی نیازلردن دیر.
اونینگ کوپه‌یتیریشیچه، عیاللرنینگ حضوری بولمه‌گن صورتده، افغانستانده تینچلیک تامین‌لنمه‌یدی.
عین‌حالده، افغانستان بوییچه بیرلشگن ملتلر تشکیلاتی نینگ اورین باسرلیک هیاتی یا-ده یوناما بیر اعلامیه آرقه‌لی، تینچلیک جریانیده عیاللرنینگ اونملی اورنی اوستیگه تاکید قیلگن.
افغانستان بوییچه بیرلشگن ملتلر تشکیلاتی نینگ خاص نماینده‌سی دیبرا لاینزنینگ ایتیشیچه، تینچلیک جریانی افغانستان کوچلی عیاللرنی صحنه کیلتیرگن و اولر افغانستان نماینده‌لیگی گه مذاکره قیله‌دی.
اونینگ ایتیشیچه، اوشبو عیاللرنی کوچلی قیلیش و اولرنینگ تینچلیک جریانیده کینگ شکلده شریک بولیش‌لری عادلانه و دایمی تینچلیک اوچون اونملی دیر.
انسان حقوقی ایرکین کمیسونی‌گه کوره، عیاللر اوروش دوامی و زوروانلیکلر کوپه‌یشی نینگ اصلی قربانلیکلریدن دیر. اوشبو کمیسیون نینگ ایتیشیچه، ۲۰۲۱- ییل باشلنگنیدن حاضرگه‌قدر ۶ عیال اجتماعی فعالیت‌لر سبب، اولدیریلگن.
