زابل ده ساغلیق مسئوللری نینگ ایتیشلریچه، سونگی کونلر اوشبو ولایت نینگ ولایتی کسل‌خانه‌سیده موسومی کسللیکلر گه چلینگنلر سانی کوپه‌یگن.
مسئوللر گه کوره، هوا نینگ ایسیق بولیشی بیلن زابل ده ۷۰۰ کیشی نینگ موسومی کسللیکلر گه چلینگنی ثبت بولگن که اولردن کوپینچه‌سی باله‌لر دیر.
بیزلرنینگ «ایکس» ترماغی ده هم تعقیب قیلینگ!
زابل ده ساغلیق مسئوللری، هوا نینگ ایسیق بولیشی، ساغلیق توصیه‌لر نینگ رعایت قیلمسلیک و ساغلیق خذمت‌لردن فایده‌لنه آلمسلیک نی موسومی کسللیکلر کوپه‌یشی اصلی عامل‌لریدن بیله‌دیلر.
بو توغریده زابل ولایتی کسل‌خانه‌سی باش شفاکاری نذیراحمد نینگ ایتیشیچه: «زابل ولایتی کسل‌خانه‌سیده موسومی کسللیکلر گه چلینگنلر سانی کوپه‌یگن. کسل‌لر تورلی‌خیل موسومی کسللیکلر گه چلینگنلر. بیر قطار منطقه‌لرده ساغلیق خذمت‌لردن فایده‌لنه آلمسلیک، هوا نینگ ایسیق‌لیگی، ناپاک ایچیم سوو، قوروق‌چیلیک و ساغلیق توصیه‌لر نینگ رعایت قیلینمسلیگی، اونینگ سببلریدن دیر.»
شونده‌‌ی بیرحالده، باله‌لری موسومی کسللیکلر گه چلینگن آنه‌لر نینگ ایتیشلریچه، باله‌لری نینگ ایسیتمه‌سی بار و انه شوو سبب باله‌لری نینگ دوالنیش اوچون کسل‌خانه گه بستری قیلیش گه مجبورلر. اولر ساغلیق مسئوللریدن بو کسللیکلر آلدی آلنیشی خصوصیده توجه قیلیشلرینی ایسته‌گنلر.
بیزلرنینگ فیسبوک صحیفه‌میزگه باش اورینگ!
باله‌سی بیر هفته‌دن بیری زابل ولایتی کسل‌خانه‌سیده بستری بولگن زرمینه نینگ ایتیشیچه: «بیر هفته بوله‌دی که باله‌م کسل؛ سوت ایچمه‌یدی؛ هوا نینگ ایسیق‌لیگی اوچون کسل بولگن. بو ییرده‌گی شفاکارلر کسل‌لردن کوپ یخشی مراقبت قیله‌دیلر.»
زابل ده ساغلیق مسئوللری، موسومی کسللیکلر گه چلینیش سببی نی «روتا» ویروسی دیگنلر که ایسیق هوا‌ده باله‌لرنی چلینتیره‌دی.
