زابل یشاوچیلریدن بیرقطاری نینگ ایتیشلریچه، اوشبو ولایت قتناو یولی قوریلیشی سیوری، شینکی، اتغر، نوبهار و شلمزی تومن‌لرینی مذکور ولایت مرکزی «قلات» شهری گه باغلش گه قوشیمچه، قلات نی پاکستان بیلن باغله‌یدی.
اولر گه کوره، اوشبو قتناو یول قوریلیب قلات شهری پاکستان بیلن باغلنگن حالده، صادرات و واردات سانی آشیب و یشاوچیلر گه ایش زمینه‌لری یره‌تیلیشی ممکن.
بیزلرنینگ فیسبوک صحیفه‌میزگه باش اورینگ!
زابل یشاوچیسی شیرمحمد نینگ سلام‌وطندار گه ایتیشیچه: «اوتگن ۲۰ ییل ده قتناو یوللریمیز تاغ‌لر گه قدر قوریلیش گه گواه‌سیزلر. اوندن کیین بازار، سملزی تومنی و خامه چیگره‌سیگچه. اوشبو قتناو یولدن شینکی تومنی و باشقه تورت تومن فایده‌لنه‌دی.»
زابل یشاوچیلریدن باشقه بیری جاوید گه کوره: «اوشبو یول آرقه‌لی پاکستان بیلن چیگره‌داش‌میز. بو چیگره باشقه ولایت‌لر گه نسبتن بیز اوچون یقین دیر و اقتصادی نقطه‌ی نظردن اونملی دیر.»
عین‌حالده، زابل ده‌گی سوداگرلردن بیرقطاری نینگ ایتیشلریچه، قتناو یول قوریلیشی یشاوچیلر نینگ تجارتی و اقتصادی وضعیتی اوستیگه مثبت تأثیر قیله‌دی.
اولر گه کوره، مذکور قتناو یول قوریلگن تقدیرده، زابل اقتصادی وضعیتی اوستیگه ایجابی تأثیر قیلیشی ممکن.
زابل سوداگرلریدن محمدهاشم مرغه‌وال نینگ ایتیشیچه: «اوشبو یول بیش تومن شامل قلات شهرینی قوشنی پاکستان بیلن باغله‌یدی و بو سرک قوریلیشی بیلن صادرات و واردات آشیشی طبیعی دیر. زابل نینگ قوروق میوه‌لری مملکت نینگ باشقه بازارلری گه صادر بوله‌دی، هر تاماندن زابل خلقی نینگ اقتصادی اوستیگه تأثیر قیله‌دی.»
بیزلرنینگ توییترده هم تعقیب قیلینگ!
باشقه تاماندن، زابل فواید عامه باشلیغی احمداحمدی، یشاوچیلر نینگ خواهش-ایسته‌گی باره‌سیده کوپه‌یتیریشیچه، مذکور ریاست تیزیمی اساسیده اوشبو قتناو یول نی قوریش مقصدیده سعی‌وحرکت قیلماقده‌لر.
اونگه کوره: «بو منطقه تخمیناً ۹۴ کیلومتر و هیچ سرکی یوق دیر. کان عوضی گه ۳۰ کیلومتر سرک قوریش اوچون بیر کمپنیه بیلن کیلیشگن‌میز. بو سرک نینگ باشقه ایکی بولیمی هم قوریلیشینی نظرگه آلگن‌میز.»
مملکت نینگ قطار ولایتلری اهالیسی، عمومی قتناو یوللری قوریلیشینی ایسته‌گن بیرحالده، زابل اهالیسی هم اوشبو یول قوریلیشینی طلب قیلگنلر، چونکه اولر نینگ ایتیشلریچه، سرک‌لر بوزوق‌لیگی یشاوچیلرنی ایریم قیینچیلیک بیلن روپه‌ره قیلگن.
