اوکراین جمهور باشلیغی ولودیمیر زلنسکی، سونگی بیاناتیده یقینده روسیه تامانیدن اوکراین نینگ سوو و برق آست قورمه‌لری نشانگه آلینیشیدن آگاه‌لنتیرگن.
گاردین نینگ معلوماتی گه بناً، اوتگن کون (یک‌شنبه، ۱۵ عقرب) اوکراین جمهور باشلیغی ولودیمیر زلنسکی اوز بیاناتیده، حاضر روسیه اوکراین نینگ سوو و برق آست قورمه‌لری اوستیگه احتمالی هجوم اویوشتیریش اوچون تیارگرلیک کوره‌یاتگنینی بیلدیردی.
عین‌حالده، اوکراین پایتختی کی‌یف بلدیه باشلیغی، اوشبو شهر یشاوچیلریدن برق کیسیلگن تقدیرده پایتخت نی ترک ایتیش‌لرینی طلب قیلگن.
بیزلرنینگ فیسبوک صحیفه‌میزگه باش اورینگ!
کی‌یف بلدیه باشلیغی ویتالی کلیچکو مذکور شهر یشاوچیلریدن برچه نرسه جمله دن برق و سوو کیسیلیشی اوچون تیارگرلیک کوریب کی‌یف دن تشقری دوست‌لری یا قرینداش‌لری بولگن حالده، وقتینچه‌لیک اولر نینگ آلدی‌لری گه باریش‌لرینی ایسته‌گن.
روسیه نینگ کی‌یف گه قچان هجوم قیلیش زمانی هلیگچه بیللی ایمس.
بیزلرنینگ توییترده هم تعقیب قیلینگ!
ایتیش کیره‌ک که، اوتگن هفته روسیه نینگ کی‌یف شهری گه قیلگن هوایی هجوملری عاقبتیده اوکراین نینگ تورت دن بیر قسم سوو و برق آست قورمه‌لری ویران بولدی.
