کابل بوگون (۵-قوس، دوشنبه) روسیه و چین جمهور باشلیغ‌لری‌نینگ افغانستان ایشلری بوییچه مخصوص وکیللری همده بو ایکّی قدرتلی دولتلری‌نینگ دیپلمات‌لری میزبانی بولیب و اولر افغانستان سرپرست حکومتی بیلن مناسبت‌لرینی مستحکم‌لش وعده‌سینی بیرگنلر.
اسلام امیرلیگی سرپرست حکومت تشقی ایشلر وزیرلیگی، روسیه جمهور باشلیغی‌نینگ افغانستان ایشلری بوییچه مخصوص وکیلی ضمیرکابلوف‌نینگ بو وزیرلیک سرپرستی بیلن اوچره‌شووی حقیده ترقه‌تگن بیانیه‌سیده، اوشبو اوچره‌شووده تورلی مسئله‌لر اینیقسه ایکّی تامانلمه مناسبت‌لرنی مستحکم‌لش مسئله‌سی بحث گه آلینگنینی اېتگن.
بو اوچره‌شووده، روسیه جمهور باشلیغی‌نینگ افغانستان ایشلری بوییچه مخصوص وکیلی ضمیر کابلوف، ایکّی تامانلمه مناسبت مستحکم‌لنیشی اوچون یقینده روسیه هیئتی کابل گه یوباریلیشینی معلوم قیلگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی تشقی ایشلر وزیرلیگی سۉزلاوچیسی‌نینگ اورین باسری ضیااحمد تکل گه کوره: «ضمیر کابلوف، یقینده روسیه‌نینگ یوقاری مرتبه‌لی هیئتی کابل گه کېلیب و اسلام امیرلیگی یوقاری لوازملی رسمی‌لری بیلن ایکّی تامانلمه مناسبت و همکارلیک‌لرنی کېنگه‌یتیریش مسئله‌سی حقیده بحث اېتیشینی اېتدی.»
بیلرمانلرنینگ ایشانچی گه کوره، روسیه افغانستان مسئله‌سیگه دایر مسکو بیلن دنیا مملکتلری اینیقسه امریکانینگ رقابتی بارلیگی همده خوفسیزلیک خواطرلر اوچون اسلام امیرلیگی بیلن علاقه‌سینی مستحکم‌لش گه سعی-حرکت قیلماقده.
اسلام امیرلیگی، روسیه بیلن همکارلیک قیلیش گه قۉشیمچه، تشقی سیاستیده برچه بیلن تېنگ عمل قیلیش کېره‌ک دیه ایشانه‌دی، ایش بیلرمانلر.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان عبدالجبار اکری گه کوره: «روسیه هردایم افغانستان بیلن مناسبتی حقیده گپیرگن و افغانستان بیلن سیاسی و اقتصادی مناسبتی بولیش گه سعی-حرکت قیلگن و دلیلی هم بو که امریکانی منطقه‌دن چېکینتیریشنی اېسته‌یدی.»
شونینگدیک، سیاسی ایش بیلرمانلردن باشقه بیری هیواد زازی‌نینگ ایتیشیچه: «افغانستان اوچون تېنگ سیاست و مملکت‌نینگ قانونی منفعتی کوزگه توتیلیب و بوتون مملکتلر و منطقه اینیقسه قدرتلی دولتلر بیلن علاقه قوریشی کېره‌ک.»
ینگی‌لیکده روسیه تشقی ایشلر وزیری‌نینگ اورین باسری آندری رودنکو، بو مملکت اسلام امیرلیگینی تن آلیش اوچون حاضرگه قدر تیارگرلیک کورمه‌گنینی معلوم قیلگن بیرحالده، روسیه افغانستان بیلن مناسبت‌لرینی مستحکم‌لش اوچون سعی-حرکت قیلماقده.
روسیه بوندن آلدین، اسلام امیرلیگینی بو مملکت قاره روریخطیدن چیقریش‌نی تېکشیرماقده‌لیگینی اېتگن اېدی؛ بیراق بو سۉز آی‌لر اوتیشی بیلن حاضرگه قدر عملی بولمه‌گن.
