اسلام امیرلیگی سوزلاچیسی ذبیح‌الله مجاهد، اسلام امیرلیگی رهبری نینگ مخصوص قوماندانی صفتیده هلمند سابق حاکمی عبدالاحد طالب نینگ تعیین بولگنی نی خبر بیرگنی‌دن بویان، اجتماعی ترماق‌لرده اسلام امیرلیگی رهبری تامانیدن ایران نینگ پاسداران قوشوونی کبی مخصوص بیر کوچ تشکیل ایتیلیشی خصوصیده کوپینچه تخمین و بیانات مطرح بولگن.
اوشبو بیانات‌دن اینگ اونملیسی‌ده، جمهوریت توزومی‌ده افغانستان ملی خوفسیزلیک رئیسی رحمت‌الله نبیل اوز «ایکس» صحیفه‌سیده، قندهار ده بو کبی کوچلر نینگ ایجاد بولیش ایشی تکمیل بولیب و اوشبو کوچلر نینگ جهازلش و تأمین‌لش اوچون، مالیه وزیرلیگی بودجه‌سیدن ۶۰ میلیارد افغانی نینگ اختصاص بیریلگنی نی ادعا قیلگن.
بیزلرنینگ فیسبوک صحیفه‌میزگه باش اورینگ!
مذکور بیانات گه قرشی ذبیح‌الله مجاهد نینگ ایتیشیچه، مذکور کوچلر بوندن آلدین ملی مدافعه وزیرلیگی چوکاتی‌ده بار ایدی و اونینگ مسئولیتی اسلام امیرلیگی رهبری نینگ امنیتی‌نی تأمین‌لش دیر. جناب مجاهد نینگ سلام‌وطندار گه اورغولشیچه، اوشبو کوچلر گه هیچ قنده‌ی مخصوص بودجه اختصاص بیریلمه‌گن.
اسلام امیرلیگی سوزلاوچیسی نینگ کوپه‌یتیریشیچه: «امیر‌المؤمنین عالی مقامی نینگ مخصوص کوچلری تشکیل قیلینگنی، ینگی بیر موضوع ایمس، بوندن آلدین چوکاتی‌میزده بار ایدی، اولر نینگ خصوصی امنیتی اوچون دیر. افغانستان اسلام امیرلیگی مخصوص کوچلری دیر، قیسی مخصوص بودجه‌سی هم یوق، مدافعه وزیرلیگی بودجه‌سیدن حقلری توللنه‌دی.»
بیزلرنینگ «ایکس» ترماغی ده هم تعقیب قیلینگ!
عین حالده، حربی و خوفسیزلیک مسئله‌لر بیلرمانی صادق شینوری نینگ ایتیشیچه، اسلام امیرلیگی رهبری نینگ خوفسیزلیک مخصوص قطعه‌سی نینگ ایجاد بولیشی، بیر نیاز دیر. بو توغریده اونینگ ایتیشیچه: «اسلام امیرلیگی رهبری نینگ خوفسیزلیک مخصوص قطعه‌سی نینگ ایجاد بولیشی، حاضرگی شرایط‌ده مملکتی‌میزده حتمی بیر نیاز دیر. رهبرلر کوپراق اوز امنیتلری اوچون، بیر قطار مخصوص تدبیرلر گه نیازلری بار.»
ایتیش کیره‌ک که، اوتگن ایکی ییل‌ده اسلام امیرلیگی کوچلری نینگ کوچلنتیریش خصوصیده اعتبار قره‌تگن و بوندن آلدین ذبیح‌الله مجاهد سلام‌وطندار گه افغانستان مدافعه و خوفسیزلیک کوچلری سانی نینگ، ۱۰۰ مینگ‌دن آرتیق کیشی گه ییتیشگنی و شونینگدیک بو کوچلر سانی نینگ کوپه‌یشی ممکن دیگن ایدی.