اسلام امیرلیگی سوزلاوچیسی ذبیح‌الله مجاهد، جمعه کونی، ۴ حمل، اوز توییتری ده، داعش گروهی خصوصیده امریکا رسمی‌لری نینگ بیاناتی گه مناسبت بیلدیریب، افغانستان ده داعش گروهی اوتمیش گه نسبتن کمه‌یب و نابود بولگنینی یازگن.
جناب مجاهد نینگ یازیشیچه: «افغانستان ده داعش گروهی سانی خصوصیده امریکا رسمی‌لری نینگ بیاناتی واقعیت ایمس دیر.»
اسلام امیرلیگی سوزلاوچیسی گه کوره، امریکا رسمی‌لری نینگ داعش گروهی موضوعسی خصوصیده علاقه‌مندلیکلری و بو مسئله‌نی بویوک کورسه‌تیش، داعش گروهی بیلن همکارلیک قیلیش دن دلالت بیره‌دی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «اوشبو مسئله گه دایر امریکا مسئوللری نینگ علاقه‌مندلیگی و بو مسئله‌نی بویوک کورسه‌تیش، داعش گروهی بیلن همکارلیک قیلیش و اولر نینگ منفعتی گه کمپاین قیلیش معناسیگه دیر، توخته‌تیلیشی کیره‌ک.»
نیچه کون آلدین امریکا مرکزی قوماندان‌لیگی (سنتکام) باشلیغی جنرال مایکل کوریلا، افغانستان ده داعش چمه‌سی آلتی آی ده امریکا یا ده غربی مملکت‌لر نینگ منفعتینی نشانگه آلیشینی ایتگن.
اوشبو بیانات گه دایر، ملی تلویزیون بیلن صحبت اوتکزگن افغانستان تشقی ایشلر وزیرلیگی سرپرستی امیرخان متقی، افغانستان ده اسلام امیرلیگی گه قرشی هیچ بیر گروه جمله دن داعش نینگ حضوری یوق و بیر قطار واقعه‌لر تشقری دن ریجه‌لشتیریلیشینی ایتگن.
بیزلرنینگ توییترده هم تعقیب قیلینگ!
بو سوزلر عین‌حالده بیان بولماقده که، داعش گروهی سونگی کون‌لرده قانلی نیچه هجوم مسئولیتینی تن آلگن. مذکور هجوم‌لردن بیری ده بلخ سابق حاکمی محمدداوود مزمل و باشقه ایکی قوریقچیشی هلاک بولگن و اوشبو گروه نینگ بلخ ده خبرچی‌لر اورته‌سیده اویوشتیرگن باشقه هجومی عاقبتیده، ایکی خبرچی شامل اوچ کیشی هلاک بولیب و کمیده ۱۶ خبرچی یره‌لنگن.