اسلام امیرلیگی سرپرست حکومت سوزلاوچیسی ذبیح‌الله مجاهد، سلام‌وطندار بیلن اوتکزگن صحبتیده، پاکستان نینگ وقتینچه‌لیک باش وزیری انوارالحق کاکر، اوشبو مملکت معین زمان ده اوزیدن مدافعه قیلیش اوچون افغانستان ده حربی عملیات اوتکزیش بیاناتیدن خبرسیزلیگینی بیلدیره‌دی؛ بیراق بونده‌ی شرایط ده افغانستان حکومتی اوزیدن مدافعه قیلیش اوچون تیار دیدی.
بیزلرنینگ فیسبوک صحیفه‌میزگه باش اورینگ!
مجاهد جنابلری، افغانستان اسلام امیرلیگی سرپرست حکومتی هر قنده‌ی هجوم گه جواب قیتریشی خصوصیده ایتیشیچه: «بونده‌ی وضعیت ده مملکت نینگ هر بیر قریچ توپراغیدن دفاع قیله‌میز، توقنشوو یوز بیرگن حالده جواب قیتره‌میز. بیز اونگه [پاکستان وقتینچه‌لیک باش وزیری] گه ایچکی مسئله‌لرینی مملکت‌لریده حل قیلیش گه مصلحت بیره‌میز.»
ینگی‌لیکده، پاکستان وقتینچه‌لیک باش وزیری انوارالحق کاکر، امریکا آوازی اردو بولیمی بیلن اوتکزگن صحبتیده، پاکستان اوزیدن مدافعه قیلیش اوچون معین زمانده افغانستان ده حربی عملیات یولگه قوییشینی ایتگن.
بیزلرنینگ توییترده هم تعقیب قیلینگ!
پاکستان وقتینچه‌لیک باش وزیری گه کوره، مذکور مملکت اوزی و فقرالریدن مدافعه قیلیش اوچون، لازم بولگن تقدیرده بوایشنی قیلیش گه حقلی دیر.
ایتیش کیره‌ک که، نیچه کون آلدین پاکستان وقتینچه‌لیک حکومتی ایچکی ایشلر وزیری، پاکستان ده‌گی زوروانلیک‌لر افغانستان توپراغیده ریجه‌لشتیریلیشیدن تنقید قیلیب و اسلام امیرلیگی دوحه بیتیمی گه عمل قیلیش‌لرینی سوره‌گن ایدی.
