اسلام امیرلیگی سوزلاوچیسی ذبیح‌الله مجاهد، بی‌بی‌سی بیلن اوتکزگن سوزلشوو‌یده ایتیشیچه، افغانستان ده ایچکی و خارجی نادولتی موسسه‌لرده عیاللر ایشی توخته‌تیلیشی خصوصید‌گی بویروغ، عیاللر نینگ «قدر-قیمت و عفتی نی سقلش» اوچون صادر بولگن و مذکور بویروغ برچه نادولتی نهاد‌لر جمله‌دن بیرلشگن ملت‌لر تشکیلاتی گه هم تطبیق بوله‌دی.
جناب مجاهد نینگ کوپه‌یتیریشیچه، اسلام امیرلیگی حکومتی، عیاللر نینگ هیچ قنده‌ی شرایط ده مؤسسهلرده ایشله‌مسلیگی نی خلاصه ییتگن. اونینگ اورغولشیچه: «اوشبو موسسهلر اسلام امیرلیگی نینگ کنترولی آستیده بولمه‌گنی اوچون، عیاللر گه کوپینچه خوف موجود دیر و بیر قطار خطرلی گزارش‌لر هم بیزلر گه ییتیشگن.»
بیزلرنینگ توییترده هم تعقیب قیلینگ!
اسلام امیرلیگی سوزلاوچیسی نادولتی موسسه‌لرده عیاللر ایشی نی اوغری‌لیککه اوخشتگن و عایله‌لر نان کیلتیرووچی‌سی بولگن عیاللر خصوصیده‌گی سوراق‌لر جوابی گه ایتیشیچه: «مین اوغریلیک بیلن باله‌لر گه ییمک آلیب باره‌من دیگن کیشی گه، اوغریلیک اوچون رخصت بیره آلمه‌یمیز.»
ذبیح‌الله مجاهد نینگ بیان قیلیشیچه: «افغانستان ده انسان‌پرورلیک یاردم‌لر ترقته‌دیگن موسسهلر، خاص ارزش‌لر نی نظر گه آلیش‌لری کیره‌ک. اولر قاعده-قانون‌لر نی نظر گه آلمه‌گنلری صورت‌ده، افغان‌لر بو رقم یاردم‌لر گه نیازلری یوق.»
بیزلرنینگ فیسبوک صحیفه‌میزگه باش اورینگ!
عین‌حالده، ۳جدی اقتصاد وزیرلیگی ترقه‌تگن مکتوبی ده، ایچکی و خارجی نادولتی مؤسسهلرده عیال ایشلاوچیلر نینگ ایشلرینی توخته‌تدی. اوشبو مکتوب ده کیلیشیچه، نادولتی مؤسسهلرده عیاللر تامانیدن اسلام امیرلیگی نینگ قانون_قاعده‌لری رعایت ایتیلمسلیگی خصوصیده کوپ شکایت‌لر بولگن.
ایتیش کیره‌ک که، اسلام امیرلیگی تامانیدن نادولتی موسسه‌لرده عیاللر ایشی توخته‌تیلیشی‌دن کیین، خلق‌ارا تشکیلات‌لردن بیر قطاری افغانستان ده فعالیت‌لری نی توخته‌تگنلر.
