سمنگان ولایتی دره‌صوف پایین تومنی حدودلریده ییرلشگن تاش کومیر کانی قوله‌شی عاقبتیده، کانچیلردن بیرقطاری قمه‌لیب قالگن.
سمنگان ولایتی امنیه قوماندان‌لیگی سۉزلاوچیسی حشمت‌الله رحمانی گه کوره، دستلبکی معلومات‌لر اساسیده، ۲۴-قوس، شنبه کونی توشدن سۉنگ بو ولایت‌نینگ دره صوف پایین تومنی گوله قیشلاغی «سفید خاک» منطقه‌سیده، تاش کومیر کانی قوله‌شی طفیلی کانچیلردن بیرقطاری قمه‌لیب قالگن و سانلری حاضرگه قدر معلوم اېمس.
بیزلرنینگ فیسبوک صحیفه‌میزگه باش اورینگ!
رحمانی جنابلری، کان ایچیده قالگنلرنینگ قوتقیریش اوچون سعی-حرکت قیلماقده‌لیکلرینی معلوم قیلگن.
بیرقطار یېتکرمه‌لر، سمنگان ولایتی دره صوف پایین تومنیده تاش کومیر قوله‌شی عاقبتیده چمه‌سی ۳۵ کانچی قمه‌لیب قالگنینی اېتگنلر، لېکن بو رقم سمنگان ولایتی دره صوف پاین تومنی امنیه قوماندان‌لیگی سۉزلاوچیسی تامانیدن رد بولگن.
بیزلرنینگ «ایکس» ترماغی ده هم تعقیب قیلینگ!
مملکت‌نینگ تورلی ولایت‌لری اینقسه سمنگان‌ده تاش کومیر کانی ناقانونی طرزده قازیب چیقریلیشی باعث، انده-سنده یشاوچیلردن قربانلیک آلگنی اېتیله‌دی.