افغانستان ایرکین و عادلانه سیلاو بنیادی یا-ده فیفا اداره‌سی نینگ اجرایی باشلیغی محمدیوسف رشید کابلده ترور قیلیندی.
یوسف رشید نینگ ایناغه‌سی عبدالباقی رشید اونینگ اولدیریلگنینی تصدیق‌لگن.
کابل پولیس قومندانلیگی سوزلاوچیسی فردوس فرامرز نینگ بو خبرنی تصدیق‌لب ایتیشیچه، جناب رشد بوگون “چهارشنبه” ایرته‌لب ساعت ۸:۴۵ اطرافیده کابل شهری نینگ ۷- ناحیه سینی «تنی‌کوت» منطقه‌سیده اولدیریلگن و اونینگ هیداووچی‌سی یره‌لنگن دیر.
عبدالباقی رشید نینگ سلام‌وطندارگه ایتیشیچه، موبایل آرقه‌لی آته‌سیدن ایناغه‌سی نینگ اولدیریلگنی نی ایشیتگن. اونینگ سوزیگه کوره، ایناغه‌سی نینگ هیچکیم بیلن دشمن‌لیگی یوق ایکن.
عبدالباقی نینگ ایتیشیچه: «دفترگه کیلگنیم ده، آتم قونقراق قیلیب ایناغم ترور ایتیلگنی نی ایتدی. بیرینچی دن ایناغم ابن‌سینا کسل‌خانه‌سیگه انتقال بیریلگنی نی ایتدیلر، لیکن کیین ایمرجنیسی کسل‌خانه‌سی گه انتقال بیرگنلر. حاضر کیلیب کوردیم ایناغم شهید بولگن؛ لیکن موتر هیداوچی سیدن خبریم یوق.»
جناب رشید یشه‌یدیگن منطقه نینگ قریه‌داری احمد داوود، حکومت‌نی یشاوچیلر خوفسیزلیگی نی تأمین‌لش خصوصده پرواسیزلیککه عیبلیدی.
احمد داوود گه کوره: «موترسایکل ده بولگن ایکی کیشی هجوم قیلدی و قیغو بیلن ایتیشیم کیره‌ک که یوسف رشید شهید بولدی. بیز اوشبو خصوصده امنیتی و پولیس کوچلرنی جریان گه قویدیک و پولیس کوچلری واقعه محلی گه کیلدی و بیزهم ایمرجنیسی کسل‌خانه‌سی گه باردیک، لیکن بارگنیمیزده یوسف رشید جان بیرگن ایدی. خلق نی خوفسیزلیگی نی تأمین‌لشده حکومت مسؤل بولگن.»
سیلاولر ایرکین کمیسیونی سوزلاوچیسی و یوسف رشید نینگ یقین‌لریدن بولمیش عبدالعزیز ابراهیمی نینگ ایتیشیچه، اولکه نینگ هر ایرتنگی ترور، قتل و پارتلش بیلن باشلنه‌دی.
جناب ابراهیمی ایته‌دی: «قیغو بیلن ایتیشیم لازم که بیز هرکون ترور بیلن اویقودن اویغانه‌میز. هرکون بیلیمدان کیشی‌لریمیز هدف آلینه‌دیلر. یوسف رشید نینگ اولیمی بویوک بیر ضایعه دیر، بیز یوسف رشید نینگ اورینی نی تولدیره‌آلمه‌یمیز و اوشبو موضوع کوپینچه خواطرلی بیر موضوع دیر. امنیتی کوچلریمیز کوچلی آدیم کوتاریشلری کیره‌ک.»
جمهورلیک ریاستی هم یوسف رشید اولدیریلگنی نی جدی صورتده قاره‌لگن.
جمهورلیک ریاستی سوزلاوچیسی صدیق صدیقی تویتر صحیفه‌سیدن یازیب، فیفا اجرائیه باشلیغی یوسف رشید ترورینی افغانستان حکومتی جدی صورتده قاره لگنی نی بیلدیرگن.
صدیقی ایتگن: «مدنی فعا‌ل‌لر، سیلاو و رسانه‌لر اوستی گه هجوم اویوشتیریش، ایرکین سوز و افغانستان خلقی قرگه قرشی هجوم اویوش تیریش دیر. افغانستان خلقی نینگ دشمن‌لری بوندی ایشلر بیلن، افغانستان نی بوندن ایکی دهه آلدینکی وضعیت گه اوزگرتیره آلمه‌یدی.»
حاضرگه‌قدر هیچ‌بیر گروه یا-ده کیشی بو واقعه مسوولیتی‌نی بوینیگه آلمه‌گن.
